Tepişteyo nêweş: Beno ke no hewte xebera mergê mi bêro

Roj çina ke zîndanan ra xebera binpaykerdişê heqê merdiman, îxlalê heqan, qedexeyê pêvînayîşî û tedaya vera tepişteyan nêra. Nê zîndanan ra yew zî Zîndanê Şakranî yo. Tepişteyo nêweş Abdulhalîm Kirtayo ke Zîndanê Şakranî de yeno tepiştene keyeyê xo reyde bi rayîrê telefonî qisey kerd û derheqê rewşa xo û rewşa tepişteyan de qesawetê xo ardî ziwan.

Tepişteyo nêweş û 73 serre Abdulhalîm Kirtay pêvînayîşê telefonî de kênaya xo Herdem Merwanî rê wina vat: ''Ez di rojî yo hucre de yena tepiştene û zaf nêweş a. Mi rê zaf zext kenê, beno ke no hewte şima rê xebera mergê mi bêro.''

Herdem Merwanî veng daye rayapêroyîye ke wa semedê pîyê ci û tepişteyanê nêweşan hîsgêrîye ramojnê.

Kirtayo ke 27 serran ra zafêr o ke zîndan de yo rixmo ke zaf nêweşîye ci estê ne yeno tehlîyekerdene ne zî yeno tedawîkerdene.