Awanbîyayîşê yew neslî: Cayê domanîye, îslamîzmo radîkal
Domanê hîrê serrî yê ke hema nêzanê cuye çi ya, hetê Heyetê Şura yê HTŞ’yî ra bi îdeolojîya cîhadî yenê perwerdekerdene. Dîmenê ke Vakurê Rojawanê Sûrîye de ameyî parekerdene, qiseykeredoxê yew neslê bêtehlukeyî yê şerî yê
Endamê Heyetê Şura yê HTŞ’yî ra Hesen Mensur domananê hîrê-çar serreyan rê bi destê înan de Qurane, perwerdeyê leşkerî û sporê şerî keno. Na yewe teyna perwerde nîyo; awankerdişê zîhnîyo.
Çarçoweya îdeolojîke û doktronê rêxistine
Nê perwerdeyan de, mefhumê zey îteat, cîhad, dişmenî û cîyabîyayîşê komelkî domanan rê yenê musnayene. Lekolin.org 14ê Teşrîna Verêne ya 2025î de deşîfre kerd ke domanê ke wextê DAIŞ’î de zey "Leyîranê Xelîfeyî" (Eşbal el-Xilafa) şinasîyayêne, bi rayîrê MÎT’î yenê perwerdekerdene û mîyanê HTŞ’yî de ca gênê. Pratîkê DAIŞ û HTŞ’yî zîhnîyet de eynî yê. Domanê hîrê serrî rê xoverdayîş û şer yeno musnayene; cinîyî sey heram yenê nîşandayene.
Huquqo mîyanneteweyî
Tewr zaf çîyo ke dîqet anceno, o yo ke nê prosesî de sînorê edemî çin o. Domanê hîrê serrî kewenê mîyanê perwerdeyê îdeolojîkî. Goreyê Peymana Heqanê Domanan ya Neteweyanê Yewbîyayeyan (UN); domanî nêeşkenê mîyanê binyatê çekdaran de ca bigêrê û perwerdeyê leşkerî yo ke domanan rê yeno dayene sûc o.
Rîsko derg û netîce
Seba nê domanan, şîdet beno çîyêko normal û hişmendîya "dişmen"î bena domdarî. Domanê ke ewro yenê perwerdekerdene, aktoranê şerî yê siba yê. Tablo eşkera yo; no proses yew perwerde nîyo, awankerdişê yew neslê cîhadîstî yo. Pîlkerdişê domanan bi dîsîplînê leşkerî û îdeolojîkî, qaydeyê şerî yo tewr xirab o ke zîhnan kontrol keno. Nê zêhnî siba do teyna yew cografya nê, cîhanêko hîra bivisnê binê tesîrê xo.
