Goreyê eşkerayîya hempar a hukmatanê mabênkar (Pakîstan û Qatar), roniştîşê verên ê mabênê heyetê Îran û Amerîka de, seba ke nexşerayêka ya 60 rojine ser o pêkerdişêk bibo û şerê Rojhelatê Mîyanênî biqedînê, pêkerd. Na game seba aştîya herême sey eşkerayîyêka zaf pîl û tarîxî ameye vînayene.
Wezîrê Edaletî Gurlekî ke derheqê vurnayîşo ke ravêrdeyê meselaya kurdan de yeno pawitene û DEM Partî sey “qanunê çarçeweyî” name kena de qisey kerd û vat: “Înşallah wextêko kilm de do yew xebata qanunî bêra Meclîs.”
Hunermende Bermal Çem, semedê vîrardîşê gerîlaya şehîde Ararat Zerzevane bi nameyê ‘Evîna Ararat’ yew deyîre û klîbêko newe amade kerd.
Paytextê Misirî Qahîre de bi tewrbîyayîşê şexsîyetanê namdaran, roşnvîran, akademîsyenan û pisporê medya, Merkezê Jinelojî ê Fikr û Cigêrayîşî ame akerdene.
Aşma Gulane de bi kartanê kredî, yê bankayî û kartanê verêparî pêro pîya 2 trîlyon û 633,6 mîlyar lîra dayîş amey kerdene. Pêro miqdar gora eynî aşma parî sed ra 32 zêde bîyo.
CPT Îraqî Kurdistanî eşkera kerd ke Tirkîya dewanê herêmanê Sindî û Gulî yê Zaxoyî ra kontrolê 21 dewan girewto xo dest û nêverdana dewijî ageyrê dewanê xo.
Trump û Pezeşkîyanî protokolê pêameyîşê yo ke semedê peynîardişê şerê Îranî amade bibî, îmza kerd. Metnê adirbestê daîmî yê cepheyê Lubnanî de, akerdişê Neqebê Hurmuzî, wedaritişê ambargoyan û sererastkerdişê neweyî yê derheqê programê nukleerî de estê.
Sîyasetmedaro swîsreyij Ilias Panchardî îfade kerd ke helwêstê dewleta tirke yê vera prosesî qebul nêbeno û vat: “Ocalan Mandelayê kurdan o. Bê azadîya ci çareserî nêbena.”
Mehmet Emîn Karayilan ke birayê pîl ê Endamê Fermandarîya Merkezê Pawitişê Şarî Murat Karayilan o, şi heqîya xo.
Çarçewaya munaqeşeyanê qanûnê çarçewa de, giredayeyê xebatan de ke yenî rayraberdene çimeyanê DEM Partî qisey kerd û dîyar kerd ke nê kombîyayîşan de prosesî ser o pêşnîyaz û fikrî yenê parekerdiş.
Bi waştişê azadîya Rayberê Şarê Kurdî Abdullah Ocalanî 27-28ê hezîrane de do Amed, Stenbol, Wan û Mersîn de Mîtîngê Azadîye bêrê kerdene. Programê mîtîngan ame eşkerakerdene.
Komela Heqanê Merdiman a Sûriye (AHRS), derheqê fealîyetê remnayîş, zordestîya vîndîkerdiş û şîdetê zayendî yê vera cinî û kênayanê qijan de resmîyet de muracatê Neteweyanê Yewbîyayan (NY) kerd. Komele dîyar kerd ke zafaneyê cinî û domanê elewî vera rîskêko pîl de yê û veng da komelê mîyaneteweyî ke wa bilez cehd bikerê û vernîya bêcezamendişî bigîrê.
Goreyê Ronahî TV, do ewro Fermandarê HSD’yî Mazlum Ebdî Hewlêr de Tom Barrack û Nêçîrvan Barzanî reyde kombîyayîşêk bikero.
Heyetê Îmralîyî yê DEM Partî derheqê pêvînayîşê Serekê Meclîsî Numan Kurtulmuşî de eşkerayîyêka nuştekî pare kerd Heyete aşkere kerd ke înan çarçewaya qanûnî ser o pêvînayîş kerdo.
DEM Partî, DBP û TJA Amed de startê “Mitîngê Azadîye” da. Endamê Komîteya Amadekar a Mitîngî Mûhîttîn Muguçî eşkerayî daye û vengdayîşê tewrbîyayîşê hêzanê demokratîkan kerd û wina vat: “Nika wextê rayîrşîyayîşê ver bi azadîye yo.”
Endamê Konseya Rayraberdişî ya KCKyî Sabri Okî roportajo ke da Avvenire yê Îtalya, Prosesê Aştî û Komelê Demokratîkî erjna. Sabrî Okî vat mabênê hetan de ferqê nêzdîbîyayîşî est ê û heta ke gamê demokratîkî nêrê eştene çareserîya menda nêeşkena aver şêra.
Endamê Konseya Rayraberdişî ya KCKyî Zubeyir Aydarî vat ganî heme aktorê kurdan bi stratejîyêka hempare bêrê têhet û pê bikerê, no mecbûrî yo. Nê demanê bedilîyayîşî de ma nêeşkenê ke cîya bibê. Hedefê ma arêkerdişê konferansê mîyanneteweyî yo.
Festîvala Cinîyan a Zîlane ya 20ine, bi şîarê "Nika wextê cinîyan o, cinîyî cîwîyayîşêko azad weşnenê" 20ê Hezîrane de bajarê Dortmundî yê Almanya de yena viraştene. Festîvala ke 2004 de dest pêkerde, ewro bîya wareyêko enternasyonal yê paştgirîya cinîyan
Komeleya Cinîyan ê Azadan ê Rojhelatê Kurdîstanî (KJAR) vera zextanê Talabanî yê serê cinîyanê afganîstanijan eşkerayîyêke daye. KJAR’î ard ziwan ke zihnîyetê Îran û Talabanî yew o û seba paştdayîşê cinîyanê Afganîstanî veng da pêro dînamîkanê komelî
Çalakwananê ke Nobeta Azadîya ya Strasbourgî dewr girewt, vat ê do heta serkewtişî seba azadîya Rayberê Şarê Kurdî Abdullah Ocalanî têkoşîn bidê
Pawitoxê Rayber Apoyî Îbrahîm Bîlmezî ard ziwan ke serûberkerdişê ke do verê qefilnayîşê meclîsî bêrê kerdene gerek heqê hêvî zî tede bêro caardene.
DBP bi sloganê “Ma vatişê aştî şarî reyde awan kenî” dest bi xebatanê “Mîtîngê Azadîye” keno ke do 27 û 28ê hezîrane de Wan û Amed de bêro viraştiş.
Wezîrê Karanê Teberî yê Tirkîya Hakan Fîdan û Temsîlkarê Taybet ê Amerîka yê Îraq û Sûrîye Tom Barrack Anqara de pêvînayîş kerd.
Goreyê raporanê ke hetê Meclîsê Weşîye û Ewleyîya Karî (îSÎG) ra ameyê weşanayene, aşma gulana 2026î de tewr kêmî 212 karkerî cînayetanê karî de cuya xo ra bîyê. Sewbîna, mîyanê serranê 2013-2026î de demê gurîyayîşî de tewr kêmî 862 gedeyî cuya xo ra bîyê.