Netîceyê kewtişê birûskî de 2 domanan weşîya xo vînd kerde

Qezaya Erxenî ya Amedî de, hewşê dibistanê verênî de birûsk kewt dara ke 3 domanî binê ci de bîyî, aye ro. Nê domanan ra Serkan Yildirim (13) û Kasim Yildirimî (14) weşîya xo vînd kerde, M.Y. zî giran birîndar bi.

Bi xeberdayîşê merdimanê derûdorî, cayê hedîseyî rê ekîbê weşîye ameyî sewqkerdene. Birîndarî, mudaxalayo verên ra dima wedarîyayî nêweşxaneyan. Nêweşxaneyê Dewlete yê Erxenî de birîndarî Serkan Yildirim û Kasim Yildirim ameyî girewtene binê tedawîye la raxmê pêro hewldayîşê doktoran nêameyî xelisnayene.

Ame zanayene ke rewşa weşîye ya M.Y.yo ke Nêweşxaneyê Perwerde û Cigêrayîşî yê Gazî Yaşargîlî de tedawîyê ey dewam keno, cîdîyetê xo pawena.