Walîyê Hesekê temsîlkarê hukmatê demkî reyde ame têhet
Walîyê Hesekê Nuredîn Ehmed temsîlkarê hukmatê demkî yê Sûrîye Zîyad El Ayîşî reyde kombîyayîşêk viraşt û babeta caardişê madeyanê peymana 29ê çeleyî munaqeşa kerd.
Goreyê xebera ke rîpelê Walîtîyê Hesekê de ameya parekerdene; Walî Nuredîn Ehmedî bi amadebîyayîşê kesanê elaqedaran, temsîlkarê hukmatê demkî yê Sûrîye Zîyad El Ayîşî reyde pêvînayîşêko derg kerd.
Kombîyayîşî de dosyayê esîran, Qesra Edaletî, agêrayîşê koçberan û dewayê bînî yê elaqedarî ameyî munaqeşakerdene.
Beşdarê kombîyayîşî nê nuqtayan ser o pêkerd: Aktîfkerdişê Qesra Edaletî goreyê mekanîzmayêka taybete do rojanê ameyoxan de bêro kerdene û seba veradayîşê 300î ra zafêr esîran zî do xebatî bêrê lezkerdene.
Kombîyayîş bi qerardarîya temamkerdişê gamanê prosesê entegrasyonî ser o qedîya.
