Berlîn de semînerê 'Ver bi Sosyolojîya Azadîye' ame kerdene
Unîversîteya Humboldtî ya Berlînî de bi sernameyê 'Ver bi Sosyolojîya Azadîye' semîner ame kerdene. Bi tewrbîyayîşê akademîsyenan konseptê Modernîteya Demokratîke, fîkrê Rayberê Şarê Kurdî Abdullah Ocalanî û modelo komelkî yê Rojawanî ameyî munaqeşekerdene
Unîversîteya Humboldtî ya Berlînî de hetê Akademîya Zanistanê Komelkîyan ra Heyeta Semînerî ya Lichthof Ostî de seba akademîsyenan semîner ame organîzekerdene. Akerdişê semînerê 'Ver bi Sosyolojîya Azadîye' (Towards a Sociology of Freedom) de hetê ronayoxanê Akademîya Zanistanê Komelkîyan ra teqdîmkerdişê naskerdişî ame kerdene.
Aktîvîstê aştîye û pêkewtişan û wezîfedarê banderîye Dr. Mechthild Exo, cigêrayox û aktîvîst Dr. Nik Mathou û antropolog û ekolojîsto politik Dr. Amber Huff sey qiseykerdoxan tewrê semînerî bîyî. Moderatorîya semînerî antropologo komelkî Prof. Dr. Alice von Bieberstein o ke Unîversîteya Humboldtî de sey profesorî xebityeno, kerd.
Çarçeweya aktîvîte de konseptê ''Modernîteya Demokratîke'' ame destgirewtene. Fîkranê Rayberê Şarê Kurdî Abdullah Ocalanî û averşîyayîşanê aktuelî yê derheqê Rojawanî û ser erjnayîşî ameyî kerdene. Qiseykerdişan de ame vatene ke semedê averşîyayîşê akademî û vilabîyayîşê perspektîfanê Modernîteya Demokratîke ganî akademîsyenî hîna zaf rolê bitesîrî bîgirê xo ser.
