CENCTOMê ragihand: Dorpêç sibeha Duşemê (îro) dest pê dike
Fermandariya Navendî ya Dewletên Yekbûyî yên Emerîkayê (CENCTOM) ragihand ku dorpêça li ser Tengava Hurmuzê sibeha (îro) Duşemê destpê dike.
CENTCOMê ragihand ku trafîka deryayî ya ku dikevin bendergehên Îranê û jê derdikevin wê hemû bêne dorpêçkirin.
Di daxuyaniyê de hate ragihandin ku dorpêç wê 13ê Nîsanê roja Duşemê Bi Dema Rojhilat saet di 10:00 de destpê bike û Kendava Ereb û hemû bendergehên Îranê yên li Kendava Ûmmanê wê bikevin ber vê dorpêçê.
CENCTOMê diyar kir ku dorpêç wê bi rengekî "bê alî" ji bo hemû keştiyên hemû welatan derbas bibe û ji bilî keştiyên ji bendergehên Îranê wê dest li ti keştiyan neyê werdan ku ji Tengava Hurmuzê derbas bibin.
Serokê DYEyê Donald Trump piştî ku hevdîtinên Îran û DYEyê yên li Pakistanê bê encam ma, plana dorpêçkirina rêya deryayî ya stratejîk xistibû rojevê.
