Nobeta dorveger a li Wargeha Mexmûrê ya ji bo azadiya fîzîkî ya Rêberê Gelê Kurd Abdullah Ocalan hatiye destpêkirin 1025 roj li pey xwe hişt. Çalakvanan peyama, “Hemû xebat û jiyana me girêdayî azadiya Rêber Apo ye” dan.
DEM Partî, Komeleya Lêkolînên û Çand û Ziman a Avestayê û Komeleya Çand û Hunerê ya Azad, li ber Îskeleya Karşiyakayê şahiya Cejna Zimanê Kurdî li dar xistin.
Malbatên dîlgirtiyan û xelkê bajarê Qamişloyê bi daxwaza berdana zarokên xwe yên ku ji destpêka Çileyê ve li gel hikumeta demkî ya Sûriyeyê hatine girtin çalakî li dar xistin.
KNKê li Silêmaniyê civîna asayî pêk anî. Di civînê de hat destnîşankirin ku niha bêtir pêdivî bi yekîtya kurda heye.
Nobeta “Ji Rêber Apo re azadî“ ku li ber Ofîsa Neteweyên Yekbûyî ya li Cenevreyê tê lidarxistin, di hefteya 277an de didome.
Saziya Zimanê Kurdî ARSÎSAyê di çarçoveya 15ê Gulanê Cejna Zimanê Kurdî de dest bi çalakiyê kir.
Li navçeya Bismilê ya Amedê, bi pêşengiya MEBYA-DERê ji bo cangoriyên meha Gulanê bernameya bîranînê hate lidarxistin.
Rêxistina DBPê ya Sêrtê 2yemîn Kongraya Asayî ya bi diruşma “Bi civaka rêxistinbûyî, ber bi jiyana azad ve” li dar xist. Hevserokê Giştî yê DBPê Keskîn Bayindir di kongreyê de axivî û got: “Statuya Rêberê Gelê Kurd Abdullah Ocalan statuya Kurdan e. Pêdivî bi statuyê heye.”
Parlamentera DEM Partiyê ya Amedê Ceylan Akça ji bo kesên bi awayekî bi guman hatine windakirin 100 peşniyazname da Wezareta Dadê û di pêşniyarnameyê de qala çîroka kesên hatine windakirin û lîsteya wan jî cih girt.
Endama Tevgera Azadiya Kurdistanê Hêlîn Umît anî ziman ku pirsgirêka Kurd li Tirkiyeyê pirsgirêka bingehîn e û got, “Piştî ku pêvajoya Aştî û Civaka Demokratîk destpê kir weke tevger me ji bo çareseriyê gavên pêwîst avêt, lê belê pêvajo bi ferzkirinên yekalî nameşe.”
Hevserokê Giştî yê DEM Partiyê Tuncer Bakirhan li Agiriyê serdana dikandaran kir û ji bo çareserkirina pirsgirêkan bal kişand ser xeta yekitî û hevgirtinê.
Li Amedê komxebata “Di Rêveberiyên Herêmî de Atolyeya Komun û Kooperatîfan” tê lidarxistin. Hevserokê GABBê Sirac Çelîk ku di komxebata ji aliyê GABBê ve tê lidarxistin axivî û got, “Armanca sereke ya komxebatê parvekirina tecrûbeyên heyî yên di qada aboriyê de, nirxandina pratîkên cûda yên rêveberiyên xwecihî û nîqaşkirina perspektîfeke aborî ye.”
Serokwekîla Koma DEM Partiyê Gulistan Kiliç Koçyîgît der barê rojevê degot: “Her gaveke qanûnî ku ji bo pêvajoyê bê avêtin dê bibe mîsogeriya demokrasiyê. Ji bo avêtina gavên qanûnî hewceyî bi wêrekiyê heye. Bi avêtina van gavan hemû kes dikare sûdê werbigire. Weke DEM Partiyê em jî amade ne ku berpirsyariyên xwe bi cih bînin. Êdî ne dema gotinan e lê dema pratîkê ye.”
Belge derkete holê ku Wezareta Çandinî û Darinstanê, gundên Şax û Hebler ên Cizîrê ku di salên 1993yan de bi îdiayên “ewlehiyê” hatibûn valakirin, bi kirê daye Wezareta Parastinê.
Li navçeya Batalgaziyê ya Meletiyê bi pileya 5.6 erd hejiya. Erdhêj li gelek bajarên derdorê jî hate hîskirin.
Elewiyan encamnameya deklarasyona Sempozyuma "Elewîtî û Pêşerojê" ya li Londonê aşkere kirin û gotin: "Elewîtî; ji rabirdûyê ber bi pêşerojê ve bawerî, bîr û hebûna me ye.”
Bi sedan ciwan û şêniyên bajarê Til Temirê ji bo piştgiriya YPJê meşeke girseyî li dar xistin.
Weqfa Mezopotamya bi bernameyekê danasîna Ferhenga Rastnivîsînê kir.
600 malbatên koçber ên ji Efrînê yên 9 salan li bajarê Kobanê bûn gihîştin Efrînê.
Leşkerên tirk li ser sînor li gundewarên Dirbesiyê gule berda sivîlan. Di êrîşa çekdarî de 10 kes birîndar bûn.
Nûnertiya OHDê ya Mûşê, ji bo piştevaniya bi nobeta li dijî JESê li Gimgimê hatiye destpêkirin, çû serdana çalakvanan.
OHD û THÎV têkildarî “Hefteya Navneteweyî ya Têkoşîna li Dijî Windakirinên bi Zorê” li Goristana Gaziyê bernameya bîranînê li dar xist.
Li Agiriyê 20 kesên ku piştî pîrozbahiyên Newrozê di serdegirtinên malan de hatibûn binçavkirin û girtin, di encama îtîraza parêzeran de hatin tehliyekirin.
Rejîma Îranê cenazeyên girtiyên siyasî yên Kurd, Naser Bekirzade û Mehrab Ebdullahzade yên ku li Girtîgeha Urmiyeyê hatin darvekirin, radestî malbatên wan nake. Her wiha rejîmê destûr neda ku malbat li navenda Urmiyeyê şînê danên.