Civak

Îranê di 2 rojan de 76 kes bi dar ve kir

Kampanyaya ‘Sêşema na ji darvekirinê re’ ku li dijî cezayên darvekirinê yê li Îranê tê pêkanîn hatiye destpêkirin, di hefteya 93yan de daxuyaniyek belavkir.

•
1 deqe xwendin
Îranê di 2 rojan de 76 kes bi dar ve kir
Navenda Nûçeyan
Kampanyaya ‘Sêşema na ji darvekirinê re’ ku li dijî cezayên darvekirinê yê li Îranê tê pêkanîn hatiye destpêkirin, di hefteya 93yan de daxuyaniyek belavkir. Li seranserê welat girtiyên 54 girtîgehan, li dijî cezayê darvekirinê û domandina pêkanîna wê, di greva birçîbûnê de ne.
Di daxuyaniya ji aliyê kampanyayê ve hatî dayîn de ev tişt hat gotin: “Makîneya darvekirinê ya rejîmê xebatên xwe bi lez didomîne.” Di daxuyaniyê de agahiya ku tenê di 2 rojên meha Mijdarê de li seranserê girtîgehên welat 76 kes hatine darvekirin, parve kir. Di daxuyaniyê de hatedestnîşankirin ku cezayên darvekirinê bi taybetî piştî biryara greva birçîbûnê bi lez bûye.

Di daxuyaniyê de îşaret bi daxuyaniyê nûnerên Neteweyên Yekbûyî kir û hişyariya wan a li Îranê ‘Mafê jiyanê bi awayek cîdî tê binpêkirin’ û ‘darvekirinên veşartî zêde bûye’ bibîr xist. Di daxuyaniyê de hate destnîşankirin ku dê çalakiyên xwe li seranserê girtîgehên welat bidomînin û banga ‘Bêdeng nebin’ li raya giştî hat kirin.

Nûçeyên Eleqedar