Komplo bi hêrişanê serê Rojawanî dewam keno
Hêrişê ke ewro Rojawan de vera şarê kurdî yenê kerdene, nîşan danê ke komplogerî hîna zî wazenê armancanê xo biresnê serî. No rewş asen keno ke hêzê serdestî nîşan danê ke nîyetê înan çinyo ke estbîyayîşê neteweyî ya kurdan qebûl bikerê. Labelê senî ke verê cû komployî ameyê pûçkerdene, kurdî do bi xoverdayîşê xo Komployê 2. yê 15ê Sibate zî pûç bikerê. Seba ke komplo bi temamî bêro wedaritene, ganî "Heqê Hêvîye" yê Rayberê Şarê Kurdî Abdullah Ocalanî bêro bicaardene
15ê Sibata 1999î de vera Rayberê Şarê Kurdî Abdullah Ocalan yew komploya mîyanneteweyî ameye kerdene û bi metodanê korsankî Tirkîya ra ame teslîmkerdene. Bingeyê na dişmeniya kurdan hîna dima Şerê Dinyayî yê 1. de bi destê emperyalîstên sey Îngilistan û Fransa amebi eştene. Kurdan seranserê seserrêk raştê înkar û qetlîaman ameyî. Rayberê Şarê Kurdî Abdullah Ocalan seba çareserîya demokratîk a problemê kurdî şi Ewropa. Labelê dewletê Ewropa, seba berjewendiyanê xo yê bi Tirkîya ra, bêrûmetîya însanî û demokrasîya nêpaştî qebûl kerd. Dewleta Tirk a ke endama NATO’yî ya, seba emperyalîzmî sey "qereqolêkî" ameye şuxulnayene.
Paradîgmaya newe û tirsê serdestan
Emperyalîzm çareserînêbîyena problemê kurdî seba kontrolkerdişê Rojhilatê Mîyanênî sey kozêk bi kar aneno. Nê polîtîkayan cesaret da Dewleta Tirk ke kurdan qir bikero. Labelê kurdî ewroyî nê sey kurdanê 1920î yê. Bi paradîgmaya "Neteweya Demokratîk" Kurdî êdî bîyê aktorê sereke yê herême. No fikr û xoverdayîş, hem verê plananê emperyalîzmî gêno hem zî hîmê dewlet-neteweyanê herêmî lerzneno.
Ewro Rojhilatê Mîyanênî de yew şerê giran esto ke merdim eşkeno vajo "Şerê Dinyayî yê 3." Kurdî wazenê tîya de pergalê xo yê demokratîk awan bikerê. Destpêka serra 2026î de, Halep de (Şêxmeqsûd û Eşrefîye) bi destê HTŞ û çeteyanê ke Tirkîya piştî danî ci, hêrişê giranî ameyî kerdene. Armanc qirkerdişê kurdan ê Rojawan bi. Labelê bi hezaran ciwanê kurdî bi slogana "Ya Azadî Ya Merg" herikîyê Rojawan. Na yewîyîya neteweyî hem Tirkîya hem zî hêzê global tirsna.
Rusya û Yunanistan: Dostê dewletan çin ê
Komplo de Asya ke her dewlete seba menfaata xo têgêraye. Rusya ke amêne zanayene ke dostê şaranê bindestan o, seba çend îhaleyan pişta xo da Tirkîya. Yunanistanî zî kurdî seba pirsê Kibris û girawan sey kozêk waşt bişuxulno. Nê heme nîşan danê ke dewletî qet dostê şaran nîyê.
Paradîgma Komplo pûç kena
Paradîgmaya "Komelê Demokratîk" yê Rayberê Şarê Kurdî Abdullah Ocalan, vera pergalê modernîteya kapîtalîst alternatîfo tewr xurt o. No fikir krîzê pergalî xorîn keno û şaran keno wayîrê îradeyî. Eke pergalê "Komelê Demokratîk" bêro roniştişî, komplo do bi temamî binkewo û dinya de ciwîyayîşêko newe û azad do dest pêbikero. Xoverdayîşê kurdan ê yewbîyaye, nîşan da ke kurd êdî "loqmaya asane" nîyê û do bi felsefeya xo seserra 21. bikerê seserra azadîya şaran. Seba ke komplo zî bi temamî bêro wedaritene, ganî "Heqê Hêvîye" yê Rayberê Şarê Kurdî Abdullah Ocalanî bêro bicaardene.
