Konferansê Netewî

Murat Kan

Kurdê Vakur rojon tarîxê ra vîyarene. Yew het ra proses a Aştî û Komelê Demokratîkî yew het ra zî xebatê Neteweya Yewî. Rojev ma zafê germ o. Kurd wazenê ke wa nasnameyê ayenî bîro şinasnayîş, wa azad bibî. Azadî, azadbîyayîş Kurdan rê sey awa sey hilm o. Na sebeb ra Kurdê Vakur peynîdayê nî hefte ameye tîhet. 26 Nîsane de Amed de Konferans bi. Konferans semede Kurdan Vakur amebî sazkerdiş hima peyam leteyon bînorazî ameye bi. “Kurdê Vakurî Yewîya Xo Ya Neteweyî Mişewre Kenî.’’ Şîarê Konferans îna bî. Na şîar rast a rast yew peyam dona/dayene Kurdan Vakur. Kurdan Vakur wa ameyox xo bewlî bikere. Wa birê ameyox xo mişewre bikere, wa qararon xo aye bi xo bigîrê û ameyox xo aye bewlî bikerê. Kurdê Vakur omeye tîhet hima ancina ma kemî mendî. 

Partî sîyasîyê Kurdon sîyasetêk heyon ewro temaşe kerdene ewro zî no sîyaset dewam kerd. Na sebeb ra sîyasî partîyon ra zafen sewbina çiyî tercih kerd. Aye çiyî zî çiyî muhîm î hima Yewîya Neteweyî ra hina muhîm çiyî, ez vono qaye na proses de çinîyo.

Komîsyonê Hadrekerdiş, hadreyê aye Konferans di aşm ra verrî xo ver na bî. No konferans Kurdanê Vakurî rî zafe muhîm (giring) bî. Na sebeb ra îne hewa yew rojev û rojê de sewbina yew rojev nîyeno qabulkerdiş. No kerdar nîyeno qabulkerdiş. Kurdan ra çiyo avzel Yewîya Netewîya. Hele kerdarê sîyasî partîyon dakera xo rexnekerdiş a. Nî dakereyon de kemî ma biyî. Ancina Konferans rindî vîyert. Konferans toyê peyamê qatî (net) daye. Na dakera ra konferans rolê xo kay kerd. Peyamê Bîrez Abdullah Ocalan reydî beşdarbîyayox zafê keyfweş bîye. Vate Bîrez Abdullah Ocalan de no peyam hawa ke bale mi kaşkerdo se ez vono qay bale her kesî kaşkerda. 

“Pirsgirik a Kurdon bingeyî pirsgirik a yewbiyayiş o.’’ Dewam de zî Bîrez Abdullah Ocalan vone; “Na sebeb ra Yewîya Kurdonê demokratik yew dera bîyayene.’’ No peyam ra ma eşkene zafê netîceyon vecî. Kurdî nikara peyî no peyam gerek esas bigîrî. Yewîya Neteweyî ne gorebe partîyon sîyasî ne zî gorebe toyê kesayeton gerek bîra awankerdiş, viraştiş. Na mesela meselayê tarîxîya na mesela yew meselayê dera bîyayene ya. Na seat ra peyî çewek nêeşkeno vaco ez na na sebeb ra nîyeno Yewîya Neteweyî. Yewîya Neteweyî estbîyayîşê Kurdon o. Aye ke Yewîya de ca nêgîno aye ke çixaron partîyon xo çixaron xo estbîyayîş Kurdon ra aver wêyneno ayo sîyasetê Kurdon nêromeno. Serdeston rî xîzmet keno. Peyamê hina muhîm zî demo ameyox hetê Kurdon ra demo xo newerna xelisnayîş, xo newerna viraştiş o. Nî peyam Bîrez Abdullah Ocalan dayê. No vate zî zafê muhîm î. Yewîya Neteweyî û xo newerna viraştiş senîhewa beno Kurdê gerek no dakerayon ser binek bifikrî. Konferans hem hetayê no peyamon ra hem hetayê mişewrakerdişî çend dakeroyon ra zafê dewlemend vîyarte. Ez hevî keno ke nî peyam resayê cade xo. Her kesî nî peyomon ra yew netîce xorê veta.

Peyam tûkî tena na dakera da nêdaye. Beşdarbîyayoxê konferansî sîyasetkerdoxan, akademîsyenon, kesayeton xoserî û rîsîpîyon komelî zî sêci peyam daye. Her kes zone ke ameyox Kurdon Yewîya Neteweyî ra vîyareno. Hima noybe omeyse îcrat yan zî pratîk de kerdiş çevek barê nêgîno xo ser. No konferans ra peyî Kurdon rî pratîk lazim o. Na dakera da Însîyatîfa Yewîya Demokratîke yew baro pîl girewt xo ser. Gerek Kurdî qîymetê naye bizonê û gorebe na rol nizdî Însîyatîfa Yewîya Demokratîke bibî. Her kes peyamê xo daye û qale zî kerd. Bîre ma bewnî Însîyatîfa Yewîya Demokratîke çi peyam daye ma.

Însîyatîfa Yewîya Demokratîke, 27 Nîsane de Netîceyê Konferansî yew vatiş kerd. Hemê çiyî ra verrî vatişê ziwan de Kurdî reydi bi. Çiyî muhîm verrin îno bi. Di zaravayon Kurdî de beyanat dayişî Însîyatîf yew peyama rind bi. Peyama verrin ma awankerdeyê Kurdî yî. Ez vono qay no peyam her kesî girewt a. Peyama diyin estbîyayîş, azadî de serkewtiş encax yewîya neteweyî reydî beno. Ayeyî ra teber yew rayîr çinîyo. Îneyî ra teber tîgêyrayîş mergo. No peyam hem waxtê Konferans de dakerayê mişewre bibiye zî daye bî beşdarbîyayoxon hem zî beyanatê netîce di zî daye Însîyatîf. Peyama bin zî hem tarîxî de hem ewro Kurdon semede yewîyê zafê renc daya hima nêeşkeye yewîya xo awan bikere û bîrê tîhet. Ewro tîhet ameyîş yew kare avzel o dare bîyayene yo. Peyamê ka vajeyê paşt dayene leteyon bînon zî.

Peyamê Însîyatîfa peyyen zî (gorebe mi zî peyama muhîm îno peyam bi.) Her kesî rî yew vindertişê sêyci ma wazene peyda bikerê. Vindertişê sêyci semede yewîya neteweyî çiyo cuye yo. No ma yew vindertişo netewê reydî nî derdî ra xelisîyeno benî azad no zî ma mirenê çinbenî.