Konseyê Ewropayî rê seba ‘heqê hêvîye’ agahdarîye ameye kerdene

Komîteya Wezîran a Konseyê Ewropayî, babeta “prensîbê hêvîye” ya Rayberê Şarê Kurdî Abdullah Ocalanî tarîxanê 15-17ê Êlula 2025î de girewte rojdemê xo û seba ke Tirkîya qerarê “heqê hêvîye” bîyaro ca heta aşma Hezîrane wext da ci. Pawitoxanê Buroyê Huqûqî yê Seserrîye, seba “heqê hêvîye” yê Rayberê Şarê Kurdî Abdullah Ocalanî Komîteya Wezîran a Konseyê Ewropa rê agahdarîye kerde.

Madeyê ke agahdarîye de ca genê wina yê;

“Hukmatî, goreyê qerarê Mehkemeya Heqanê Merdiman a Ewropayî (AÎHM) yê dewaya Abdullah Ocalanî ya hûmare 2. (Goreyê madeyê 3. yê AÎHM’î, seba heqê hêvîye yê mehkumanê ke cezaya zîndanî ya muebeda girankerde girewta) heta ewro qet yew game nêeşta. Coka, ma pêşnîyaz kenê ke na tewsîye kombîyayîşê komîteya şima yê 1537. de bêro ercnayene. Îşaretê hişyarîye yo ke şima seba Tirkîya amade kerdo, ganî reyna bêro amadekerdene û rayaumûmîye rê bêro eşkerakerdene.

Gama ke 12 serrî ra zêdêr wext vîyarto zî, tedbîranê pêroyîyan ser o qet yew game nêameya eştene. Coka, goreyê madeyê 46/4. yê Peymane (Eke dewletêka ke terefê AÎHS’ya peymane nêyara ca, Konseyê Wezîran ê Komîteya Ewropayî, ser o muracatêk, seba ke safî bikero bêro îhlalkerdene yan zî nê, yew prosedurê cipersayîşî dano destpêkerdene), ganî prosedurê îhlalî bêro destpêkerdene.

Hukmatê Tirkî, goreyê prensîbanê ke qeraranê Mehkemeya Heqanê Merdiman a Ewropayî de ameyê dîyarkerdene, huqûqê Tirkî de bêyî ke qet yew cîyakerîye bikero, ganî qanûnanê veradayîşî goreyê sûcanê dîyarkerdeyan bîyaro ca û qanûnanê ke verê nê gêrênê zî bivurno. Ganî na babete de hukmatî rê zî venga bidîyo. Nimûneyê Tirkîya yo ke zey ‘Grûba Gurbanî’ yeno zanayene, ganî bêro xurtkerdene û çarçeweya prosedurî de bimano.