Zîndan de rista ziwanî
Nexasim ziwanê kurdî! Seweta ki hetê fermî ya zey, “Ziwano ki nîno zanayene", yan kî "Nêzaneyêno" ameyo panamekerdene, hetê çinêhesibnayena defîneya yo mengeneyê vilêşnayene ro. Cokî ra zîndanan de pawitene/seweknayena ziwanê dayike ebi serê xwi, helwestêna xwiserî wazena. No rîwal ra hetê pawitene û wayîr vijiyayena, erjeyo ki zîndanan de tewr vêşî bipawiyo, ziwanê dayik o
Zîndan; ayreyê tehnitena heme erjeyanê şaran, netewan, bawerî û kariteyanê bindestan o. Wareyêno winî yo ki tede şitena mezgê livdaran ameya vernamekerdene û deyaya parzûnê teqezeyî ro. Aqilê desthilatdarî seweta ki nê mexsedê xwi de serkewete bo, rayê ki nêceribnayê, raybazê ki nêxefnayê, hema ti vajê nêverdayê. Vîrdoziya Lîberalîzmî na kerdena aqilê desthilatdarî de biya çimeyê raybazanê cilvirkerdene. Cêservistena hişmendiya komelkî de felsefeyê lîberalîzmî biyo çimeyê aqilê desthilatdarî. Lete ki, tîke bi tîkeyî ki û raye ra beri. Aqilo desthilatdar ebi no tewra wazeno ki zîndanan de, deraxê cêservistena hişmendîya komelkî defîno radeyo tewr nizm, ravêrdeyî ya derge miyan de, çimeyî pro bipeysno. Cokî ra zîndan de erjeyo ki tewr vêşî helak beno ziwan o.
Nexasim ziwanê kurdî! Seweta ki hetê fermî ya zey, “Ziwano ki nîno zanayene", yan kî "Nêzaneyêno" ameyo panamekerdene, hetê çinêhesibnayena defîneya yo mengeneyê vilêşnayene ro. Cokî ra zîndanan de pawitene/seweknayena ziwanê dayike ebi serê xwi, helwestêna xwiserî wazena. No rîwal ra hetê pawitene û wayîr vijiyayena, erjeyo ki zîndanan de tewr vêşî bipawiyo, ziwanê dayik o. Zey her qade/wareyî, zîndan de zî kar û barê merdimanê ki wayîrê helwesta şorişgerî yê, cêravetena ê gozgireyê çinêhesibnayoxî yê. Çiki heme qadan ra vêşêrî, zîndanan de fetisnayena erjeyanê komelkî ebi tewrêno verçim vijiyêno pawitoxanê erjeyanê komelkî vernî. Seweta ki rojane heme wendene, nustena waştnameyan, qisekerdene ebi ziwanêno bîna yo, pawitena ziwanê dayike ebi serê xwi helwestêna arizî, xwisere wazena.
Mixabin nê babetî sero hayîgeyêna ki bişo ziwanê dayiki mengeneyê vilêşnayene ra bireyno,kemî ya. Eki merdim vajo 'helwestêna winayêne çinê bî' raşt nêbeno. Estibî, la lewaze bî. Cokî ra, şert û mercî çiçî benê wa ê bê, ganî livdarê pawitoxeya erjeyanê komel, şar û neteweyan pawitena danayanê mêjûyî de her çirka hayîg û serwextî bê. Daneyanê mêjuyî ra o tewr erjiyaye, bê dibendeyî ziwan o. Eki hayîgeyêna xwiserî nêbo, xwi bi xwi vilêşnayena ziwanê dayika xwi, bena teqezeyêna ki nêbo nêbeno ya. Çirê? Çiki seweta karardena ziwanê dayika ma heme berî gêriya yê, ziwano serdest biyo ziwanê wendene, nustene û sohbetan. Rojane karardene de vengeyêna talûkê vijiyaya werte.
Nê babetî sero ez wazena helwesta xwi ra finakên bida. Ez nêvana mi se ra se raşt, temam kerdo. Kemaneyî wendoxî do ebi rexneyanê xwi ya temam kerd.
Ez ki sera 1993 yan de debiyaya zîndan, wexto ki mi nûste nûsnayê û ageyrayê ci ser ki biwana, mi nêşayê nûsteyê xwi biwana. 1996 an de mi xeberêna UNESKOyî wendi. Heman xebere de vajiyayê ki 'Ziwanê ki çinêbiyena rî bi rî mendê ra jew zî ziwanê Dimilî/kirmancî/zazayî yo' Na xebere zey tewa mergî pêşiyêbî mezg û zeriya mi ro. Şewe ki ez hewn ra aya biye û ameyê bi mi vîrî, hewnê mi remayê. Gelo ma se bikerê ki na tewa mergî ziwanê dayika xwi ser ra hewadê, na giraneya zeriya dayikanê xwi şenik kere!
Peyniya na cigêrayene de mi xwi bi xwi, 1996 an de bireyê da zebeniyanê netewedewlete seweta kurdbiyena mi cezayê muebetî mi ro birna yo.
Ganî ez babetêna heyfê nê seranê derg û dilayan bigîra. Ziwanê dayika mi, goreyê saziya miyanetewî çinêbiyena rî bi rî yo.O wext ez do ganîkerdena ziwanê dayika xwi bikera egerê heyfgirotene.
