ANF’yî bi lehçeya Hewramî dest bi weşanî kerd

Ajansê Xeberan ê Firatî (ANF) yo ke serra 2005î de dest bi weşanî kerdibî, keye û torra xo ya ziwanan keno hîrêr. ANF yo ke heta nika bi ziwananê Tirkî, Îngilîzkî, Almankî, Erebkî, Fariskî, Îspanyolkî, Ruskî û bi lehçeyanê Kurdkî ra bi Kurmanckî, Sorankî û Kirmanckî weşan kerdêne, nika lehçeya Hewramî zî kerde îlaweyê servîsanê xo.

Pencerêka newîye: Hewramî

ANF’yî da zanayene ke xebatê teknîkî û edîtoryalî yê seba lehçeya Hewramî bi serkewtiş qedîyayê. Bi na game, wendoxê ke Hewramî qisey kenê êdî eşkenê averşîyayîşanê Kurdîstan, Rojhelatê Mîyanênî û pêro dinya bi lehçeya xo ya orîjînale teqîb bikerê.

Adresê servîsê Hewramî

Wendox û teqîbkerdoxê ke wazenê servîso newe yê ANF’yî teqîb bikerê, eşkenê nê adresî ser o biresê xeberan: hawrami.anf-news.com

Na gama ANF’yî, dema ke têkoşînê seba pawitiş û averberdişê ziwan û lehçeyanê Kurdkî rojeve de yo, seba medyaya Kurdkî gamêka muhîm a.