Bazarê Heywanan ê Wanî de pêkewtiş virazya, kesêk merd 14 kesî zî birîndar bîyê

Bazarê Heywanan ê Wanî yo ke taxa Bostanîçî yê qezaya Raya Armûşî de yo, di keyeyî pêkewtî. Netîceyê pêkewtişî de kesêk cuya xo ra bî û 14 kesî zî birîndar bîyê. Ame zanayene ke mabênê her di keyeyan de xisûmet estbî û bazar de rastê yewbînî ameyê û pêkewtê. Agahdarkerdiş ser xeylê polîs û ekîbê weşîye derbasê cayê hedîse bîyê û birîndaran ra mudaxeleyo ewilîn cayê hedîse de ameyo kerdene û berdê Nêweşxaneyê Perwerde û Cigêrayîşî yê Wanî. Nêweşxanê de tewlî mudaxeleyê birîndaran kesêke cuya xo ra bî û birîndarê binî zî yenê dermankerdene.

Ame zanayene ke derheqê hedîse de cipersayîş ameyo dest pêkerdene.