Bendav hilweşiya: Erdên çandiniyê di bin avê de man
Bendava Sîha ya axî ya li gundewarê başûrê Helebê hilweşiya û erdên çandiniyê bin av bûn.
Çavkaniyên xwecih ku ji gundewarê başûrê Helebê ragihandine, diyar kirin ku bendava Sîha ya axî hilweşiya. Di encamê de erdên çandiniyê û geliyên derdorê di bin avê de man. Şêniyan diyar kir ku tîmên rewşên awarte bi amûrên besît dest bi girtina herîka ava bendavê kirine û rêya herkînê diguherin da ku rê li ber ketina avê ya nava zeviyên çandiniyê û milkên şêniyan bigirin. Lê heya niha encamên tên xwestin bi ser neketine.
Li gorî agahiyên pêşîn, îhtîmal heye ku zeviyên genim û sebzeyan bin av bibin û torên avdanê bi zerar bibin. Ev jî dê bandoreke neyinî li berhemên çandiniyê bike. Ji salan ve avahîsaziya bendava axî ya Sîhayê ji rewşên hewayî û baranê qelis bûne û xebatên serereastkirinê kêm e.
