Brîtanya dê baregehekê li Ukraynayê ava bike

Hikûmeta Brîtanyayê bi daxuyaniyekê ragihand ku dê li Ukraynayê baregeheke fermandariyê ava bike û wek beşek avakirina hêzeke pirneteweyî ya ji bo Ukraynayê hatiye veqetandin ku dê tê de 70 personel hebin.

Di daxuyaniyê de hat diyarkirin ku avakirina baregehê wek beşeke koalîsyonekê ye ku ji hêla London û Parîsê ve tê rêvebirin da ku di qonaxa piştî aştiyê de piştgiriyê bide Kîevê.

Herwiha di daxuyaniyê de hat ragihandin ku serokwezîrê Brîtanyayê dê civîneke "koalîsyona dilxwazan" bi serokê Fransayê Emmanuel Macron re li dar bixe.

Hat destnîşankirin ku ev gav di çarçoveya daxuyaniyeke hevbeş a meha çileyê ya li gel serokê Ukraynayê Volodymyr Zelensky de ya têkildarî niyeta Brîtanyayê ya bicihkirina leşkerên brîtanî li Ukraynayê ger rêkeftinek aştiyê were çêkirin, tê avêtin.

Londonê ragihand ku di çarçoveya amadekariyên lojîstîk ên ji bo bicihkirina muhtemel a personelan li baregehê de 200 milyon euro û pakêteke alîkariyê ya nû ku fînansmana sektora enerjiyê û perwerdeya personelên leşkerî hatine veqetandin.

Herwiha wezîrê parastinê yê Brîtanyayê John Healey daxwaza xwe ya şandina leşkerên aştîparêz ên brîtanî bo Ukraynayê ragihand.

Wezareta Karên Derve ya Rûsyayê jî hişyarî da ku bicihkirina hêzên NATOyê li hundirê Ukraynayê nayê qebûlkirin û metirsiya rageşiyeke xeternak çêdike. Serokê Rûsyayê Vladimîr Putin jî got her hêzeke biyanî li ser axa Ukraynayê dê wek hedefa rewa were hesibandin.