Esnafên Bexdayê li dijî bacê dest bi çalakiyan kirin

Esnafên Bexdayê ku ji dikandar û bazirganan pêk tên, li dijî sepandina baca nû ya gumirkê ku ji aliyê hikumetê ve xistiye meriyetê, dest bi xwepêşandanê kirin. Dikandaran dikanên xwe venekerine û bazar girtî mane. Odeya Bazirganên Iraqê jî bi daxuyaniyekê bang li tevayî bazirgan û xwediyên kar kir ku tevlî greva giştî bibin û bazaran girtî bihêlin. Li gorî daxuyaniya Odeya Bazirganên Iraqê, wê gava girtina bazaran heta demek nediyar dewam bike.

Li gorî xwepêşander dibêjin, ev baca nû bûye sedemê sistbûna kirîn û firotina kelûpelan û ziyanek mezin bi bazaran gihandiye. Xwepêşandêr diyar dikin ku wê xwepêşandanên wan dewam bikin heta ku aliyên peywendîdar bersiva wan didin û çareseriyek guncaw ji bo pirsgirêkên wan dibînin. Biryar e ku îro Dadgeha Bilind a Federal a Iraqê li ser giliyên ku li dijî sepandina vê baca nû ya gumrikê hatine kirin, bicive û biryarê bide.