Festîval bi ‘Heval Birako’ dest pêkena
Festîvala Fîlmanê Kurdan do bi fîlmê “Heval Birako” akerdiş bikera. Sembolê festîvale yê emserrî, bîya guliga porî ke açarîyaya sîmgeya xoverdayîşê Rojawanî
Festîvala Fîlmanê Kurdan, mabênê 17-19ê Nîsana 2026î de şaristanê Almanya Dusseldorfî de, sînemayanê Ufa Palast û Metropolî de do bêra viraştene. Festîvale de 3 fîlmê dergî, 8 dokumanterî û 17 fîlmê kilmî do resê temaşekerdoxan. Çarçewaya programe de vilabîyayîşê fîlman wina yo: Rojawanî ra 3, Tirkîya ra 11, Rojhilatî ra 5, Herêma Kurdîstanî ra 7 û warê mîyanneteweyî ra zî 3 berhemî ca gênê.
Akerdişê festîvale do bi fîlmê “Heval Birako” bêro kerdene. Programe de heman wext de Rowanî ra fîlmo kilm ê bi nameyê “Rojava rûmeta me ye” û dokumanterê “Hemo”yî zî do ca bigêrê. Logoya festîvale de, wextê hêrişanê vera Rojawanî de dima ke guliga porê cinîyeka şerwane dîyaye birnayene û bîye sembolê xoverdayîşê cinîyan, a guliga porî ameye xebitnayene.
