Heyeta DEMe şîyî serdana Ozgur Ozelî

Hemserekê Pêroyî yê DEM Partî Tuncer Bakirhan û heyeta ke tede Verfeka DEM Partî Ayşegul Dogane, Serekwekîlê Koma DEM Partî Sezaî Temellî û Cîgirê Hemserekanê Pêroyî yo ke Rayberîyanê Herêmîyan ra berpirsiyar o Mehmet Rûştû Tîryakî est bî, seba qererê ‘Betalkerdîşê teqezî’ meclîs de şîyî serdana koma CHP’yî. Tuncer Bakirhan û heyeta ey koma CHP’yî de Serekê Pêroyî yê CHPê Ozgur Ozelî yo ke bi qerarê ‘Betalkerdîşê teqezî’ wezîfe ra ameybî dûrîkerdene reyde pêvînayîş kerd. Ozgur Ozelî yo ke dima destserdayena Merkezê Pêroyî yê CHP’yî meclîs sey merkezê partîya pêroyî dîyar kerd, coka na serdayîne zî meclîs de ameyî kerdene.

Dima pêvînayîşî, do hetê heyetanê DEM Partî û CHP’yî ra eşkerayîye bêro dayene.