Îran de wendekarî vejînê waran
Wendekarê Îranî bi amancê protestokerdişê rejîmî mabênê 27 û 28ê sibate de vejînê waran. Unîversîteyê Rojhelatê Kurdîstanî zî tewrê vengdayîşê pêroyî benê.
Serewedaritişê şaran ê îranî vera heme teda û zordarîyê rejîmî zî dewam kenê. Çarçeweyê protestoyan de çalakîyê unîversîteyan reyna gur bîyê, do 27 û 28ê sibate de bi desan unîversîteyanê Îran û Rojhelatê Kurdîstanî de çalakîyê hîrayî bêrê viraştene.
Seba unîversîteyanê Rojhelatî vengdayîşê tewrbîyayîşê çalakîyan
Wendekarê unîversîteyanê Rojhelatê Kurdîstanî zî do tewrê vengdayîşê pêroyî bibê. Seba tewrbîyayîşê çalakîyan vengdayîş ame kerdene û ame waştenê ke her warê ciwîyayîşî de zordarîyê rejîmê Îranî bêrê şermezar kerdene. Eşkerayî de do cangorîyê serewedaritişan bêrê vîr ardene û vurnayîşê rejîmî bêro waştene.
Wextê çalakîyan ê hinî unîversîteyan wina yo;
* Unîversîteya Allemayî do wendekarî saete 12:00 de vernîya Bîrdare kom bibê.
* Unîversîteya Azad ê Şehrîkurd wendekarî do wareyê Şakayikî yê Kampusa merkezî saete 12:00 de kom bibê.
* Unîteyê Zanist û Cigêrayîşanê unîversîteya Azade çalakî do saete 12:00 de vernîya Fakulte de kom bibê.
* Unîversîteya Azad ê Merkezî yê Tehran do saete 12:00 de vernîya awanîya sereke de çalakî virazîyo.
* Unîversîteya Sohanekî do çalakî saete 12:00 de vernîya Fakulteyê Sohanek-hunerî virazîyo.
* Unîversîteya Azad ê Benderabbasî do saete 9:00 de çalakî virazîyo.
* Faklteya Zanistanê Tipî yê Unîversîteya Azad ê Tehranî wendekar saete 12:00 de vernîya Fakulteya Zanistanê Tibî yê Newe û Paramedîk kom benê.
* Unîversîteya Azad ê Reşte do saete 11:00 de vernîya Fakulte de çalakî dest pê bikerê.
