Kursanê suryankî û armenkî dest pêkerd
Mudirê Şûbeyê Pawitişê Ziwanî yê Şaredarîya Girdî ya Amedî Tahîr Baykuşakî vat ke ê bi hedefê şaredarîya zafziwan û zafrengîye xebitênê û çend ke kêmanîyê xo est bibê zî cehd kenê ke projeyê ke dayî xo ver, bîyarê ca
Mudirîya Şûbeyê Pawitişê Ziwanî yê Şaredarîya Girdî ya Amedî, bi çarçiweya hedefê zafziwan û zafrengîye kursê suryankî û armanckî zî da destpêkerdene.
Goreyê xebera ANF’î babete ser o Mudirê Şûbeyê Pawitişê Ziwanî yê Şaredarîya Girdî ya Amedî Tahîr Baykuşan vat ke serra 2013-2014î de serekîya Şaredarîya Sûrî de seba xebitnayîşê zafziwanî cehdê giranî ameyî dayene la bi tayînkerdişê qeyûman nê xebatan dewam nêkerd, bi agêrayîşê şaredarîyan ê serra 2024î de xizmetê zafziwanî reyna ameyî destpêkerdene.
Di ziwanî zî seba ma muhîm ê
Baykuşak eşkera kerd ke di serranê peyênan de warê ziwanî de xebitîyayî û kurmanckî, kirmanckî, tirkî û îngîlîzkî de parekerdişan kene. Baykuşa dîyar kerd ke kursanê kurmanckî û kirmanckî ra teber binê banê şaredarîye de kursanê suryankî û armenîkî zî danê û wina vat: "Nê di ziwanî seba ma zaf muhîm ê; çiqas ke nifûs goreyê verî kêmî bibo zî nawitişê ziwanê dayike û rengê nê di şaranê ke nê şaristanî de ciwîyenê, seba ma zaf muhîm o."
Baykuşakî îzeh ke xebatî tena pê kursan sînordar nîyê, zarokîstan, cayê kayanê domanan, bazarî de rengê kurdkî, nameyê kuçe û taxan ê kurdkî zî mîyanê xebatan de yê.
Baykuşakî peynî de vat: "Ziwanê dayike sey merdiman, sey cuye gandar o; eke statuyêk negîro ver bi merdişî şono. Heta ke ziwanê ke vindî benê, statuyêk negîrê ganî îdareyê herêmkî bala xo biancê ziwananê dayike ser o. Ma hema nêresayî cayêk ke ma wazenê la ma seba ne
