Pentagonî dîmenê neweyî yê UFO'yan weşanayî
Pentagonî derheqê UFO û UAP’yan de belgeyê neweyî yê ke vîdeoyî, dîmenî û îfadeyê şahîdanê eynîyan tede ca genê, rayapêroyîye reyde pare kerdî.
Dima ke bi talîmatanê Serekê ABD Donald Trumpî, derheqê "Cîsmê Firotoxo Nêşinasnaye (UFO)" û "Fenomenê Hewayî yo Nêşinasnaye (UAP)" de dereceyê nimiteyî yê dosyayanê dewlete wedarîyayî û prosesê eşkerakerdişê înan dest pêkerd, Wezaretîya Şerî ya ABD (Pentagon) belgeyê neweyî weşanayî.
Belgeyanê ke keyepelê “war.gov/UFO/”yî ra yeno resayene, înan de xeylêk vîdeo û dîmenan est ê û hetê vîdeo û dîmenan, îfadeyê sîvîl û personelanê leşkerîyan ê destê yewinî ra, qeydê tehqîqatî û raporê resmîyî zî ca genê.
Vîdeoyanê weşanayeyan ra yew de aseno ke, serra 2019î de serê Korfezê Basra de, warê berpirsîyarîya Fermandarîya Hêzanê Merkezî yê DYA (CENTCOM) de hîrê cîsmî fêrenê ke yeno vatene ê bi sensorê binesorî yê yew platformê leşkerî qeyd bîyê.
Yewna vîdeoyo ke tarîxê ci 2022î yo, tede verê deryayê Îranî de 4 cîsmê nêşinasnayeyî ke nêzdîyê gemîyan ra vîyarenê, dîyayî. Pentagonî, derheqê UFO û UAP’yan de serîya yewine ya belgeyan 8ê Gulane de pare kerdebî.
