Xelfetî û dewanê der û dorî ra herîkîyayîşê ver bi Amara dewam keno: Bi hezaran herikyeno
Taxa Amara ke fîrazkerdişî tede dest pêkerdê, Xelfetî û dewanê der û dorî ra herîkîyayîş ver bi uca dewam keno
Rayşîyayîşo ke seba rojbîyayîşê 77inî yê Rayberê Şarê Kurdî Abdullah Ocalanî Xelfetî ra ver bi taxa Amara dest pêkerd, heta vejîyayîşê qezaye dewam kerd. Rayşîyayîşo ke bi slogananê “Bijî Serok Apo”, “Rojbûna te pîroz be ey Serok Apo” û posterê girdî yê Rayberê Şarê Kurdî Abdullah Ocalanî heta vejîyayîşê qezaye dewam kerd, do bi hezar kesanê ke bêrê weçînayene, bi wesayîtan heta Amara dewam bikero.
Dewanê der û dorî ra herîkîyayîş
Hetê bînî ra hemwelatijan serê dewanê der û dorî ra dest pêkerd ke tewrê fîrazkerdişanê Amara bibê. Bi seyan kesî herîkîyayî hewşa keyeyo ke Abdullah Ocalan tede ameyo dinya. Fîrazkerdişanê ke tede kincê neteweyî yenê xo ra dayene, Mehmet Ocalan, Omer Ocalan û Alî Ocalan kesanê ke yenê keyeyî, pêşwazî kenê.
