Abdullah Ocalanî: Bibê quweta ke raygehê wextê neweyî dîyar kena

Rayberê Şarê Kurdî Abdullah Ocalanî hûmaraya Temuze ya rojnameyê Komînalî rê yew mesaj erşawit.

Mesajê Abdullah Ocalanî yê bi sernameyê 'Ganî bi têna teorîye nêaferno, eynî wext de xetêka ke rayîranê pratîkîyan zî kena a biaferno' wina yo:

"Aşkera yo ke şima wazenê çarçoweyêka teorîka xurte awan bikerê. Labelê îhtîyacîya wextê neweyî bi têna munaqeşeyê teorîkî nîyê; îhtîyacî bi yew xeta weşane esta ke mîyanê cuye de verpersê xo vînena, komelî rêxistin kena û rayîr û metodanê pratîkîyan afernena. Coka; ez a bawerîye de ya ke ganî şima xususî giranîye bidê sernameyanê rêxistinbîyayîşê pratîkî. Mîyanê yew wexto tarîxî de, bi destpêkerdişê wextê neweyî yê weşane, Komînalî da zanayene ke o nê wezîfeyan gêno xo mil û bi nameyê xo qerardarîya xo ya seba caardişê nê wezîfeyan mojna ra. Coka, weşana newîye ganî tenya sey yew karê weşangerîye nêro dîyene. Eynî wext de ganî bibo vengo awankerdişê komelkî, polîtîk û îdeolojîkî yê wextê neweyî û bibo quweta dîyarkerdişê raygehê wextê neweyî.”

Nuştoxê Komînalî Halîl Cemalî zî nuşteyê xo yo ke bi sernameyê 'Ameyoxê Tirkîya senî bedilîyêno?' weşanîya de da zanayene ke; muzakereyanê demokratîkan de ganî nexşerayîrê mabênê her di hêzan o ke pêvajo dayo destpêkerdene û esasê caardişê ci bêrê dîyarkerdene. Halîl Cemalî bi tespîtê 'Têna rayîr û metodo ke pêvajoyî resneno yew astîyêka bi rûmet û paştdayîşêko raştkên no yo' ercnayîşê girîngî kerdî.

Endamê Akademîya Zanistanê Komelkîyan ya Abdullah Ocalanî Duran Kalkanî zî meqaleya xo ya bi sernameyê 'Nika wextê komara demokratîke yo' de pêvajoya sîyasî bi heme hetanê ci ra ercna."

Endamê Konseya Rayberî ya KCK'yî Mustafa Karasuyî zî bi wesîleya serrgêra şehadetê yewê pêşenganê awankeranê PKK'yî Alî Haydar Kaytanî, meqaleyêk bi sernameyê 'Famkerdişê embaz Fuatî famkerdişê Rayber Apoyî yo' nuşt.