Rojhelatê Kurdistanî de pêrodayîş: 5 pêşmergeyî cuya xo vîndî kerdî
Vîzêr şewe Pîranşar û Serdeştê Rojhelatê Kurdistanî de mabênê hêzanê partîyanê Rojhelatê Kurdistanî û Artêşa Pasdaran de pêrodayîş vejîya. Netîce de 5 pêşmergeyî cuya xo vîndî kerdî.
Goreyê malumatanê ke çimeyanê Rojhelatê Kurdistanî ra ameyê vilakerdene, vîzêr şewe her di qezayanê Rojhelatê Kurdistanî Pîranşar û Serdeştî de, mabênê hêzanê Rojhelatê Kurdistanî û Artêşa Pasdaran de pêrodayîş vejîya.
Goreyê eynî malumatan pêrodayîş nêzdîyê dewa Musalanî ya Serdeştî û qezaya Berî Mêrganî ya Pîranşarî de vejîya.
Heta nika tu hetî serê hedîseye de yew eşkerayîya fermîye vila nêkerda. La yeno vatene ke netîceya pêrodayîşan de, qezaya Qizqapanî ya Pîranşarî de 5 pêşmergeyî şehîd bîyê. Nameyê înan zî wina yê: “Ebdulla Hacî Ebdulla, Karo Hormozîyarî, Tuwana Osmanî, Ferdîn Çengîzî û Mihemed Gergulî.”
Derheqê zirar û zîyanê pêrodayîşê Musalanê Serdeştî de, heta nika tu malumatî nêameyê vilakerdene. Goreyê malumatan her 5 pêşmergeyê ke cuya xo vînî kerdî, endamê partîyanê Rojhelatê Kurdistanî yê, la heta nika tu partîyêke eşkerayîyêka fermîye nêdaya.
