Hesekî de coşê azadîye: 232 esîrê bînî ameyî veradayene
Çarçewaya peymana mabênê Hêzanê Sûrîyeya Demokratîke (HSD) û hukmatê demkî yê Sûrîyeyî de, grûba çarine ya ke 232 esîran ra pê yena, serbest ameye veradayene û şaristanê Hesekî de bi coşêko pîl ameye pêşwazîkerdene
Çarçewaya peymana 29ê çeleyî ya mabênê Hêzanê Sûrîyeya Demokratîke (HSD) û hukmatê demkî yê Sûrîyeyî de grûba çarine ya esîranê ke destê hukmatê demkî de bîyî, serbest ameye veradayene. Na grûbe 232 esîran ra pê yena. Esîrî çatrayîrê Sewbaxî yê şaristanê Hesekî de bi coş û moralêko berz hetê keyeyan, şar û fermandaranê asayîşî ra ameyî pêşwazîkerdene.
Grûba yewine 10ê adara 2026î de ke 100 kesan ra pê ameyêne, grûba dîyine 19ê adare de ke 300 kesan ra pê ameyêne û grûba hîrêyine zî 11ê nîsane de ke 400 kesan ra pê ameyêne serbest ameybî veradayene.
