Hevşaredarên bajarê mezin ên Amedê Newroza gel pîroz kirin

Newroza Amedê ku bi beşdariya sed hezaran kesan tê pîroz kirin, berdewam dike. Hevşaredarên Amedê wekî mazûvanên bajar gel silavkirin û cejna Newrozê pîroz kirin. Hevşaredara Amedê Sera Bucak bi Kirmancî û Kurmancî cejna gel a Newrozê û Remezanê pîroz kir. Piştre Hevşaredara Dogan Hatun jî Newroza gel pîroz kir û wiha got: “Amed hûn îro ne tenê Amed in. Hûn Silêmanî, Hewlêr û Mahabad in. Hûn îro Efrîn in. Newroza Hewlêr, Efrîn, Silêmanî û sûka Mahamadê pîroz be. Îro Newroza azadiyê ye. Hemû bajarên me li Amedê ne. Ji van bajaran mêvanên qedir bilind li Amedê ne. Hûn ser seran û ser çavan hatin. Amed dengê azadiyê ji kolanên we tên. Çavê cîhanê îro li we ye. Dengê xwe bilind bikin.''