KCK: Vera Kerbelayanê roja ma ganî tewiro Huseyînî bêro mojnayene
KCK’yî Kerbale sey sembolê têkoşînê edalet, seypêyî û wayûbirayîye name kerd û vat: “Vera zulman ke roja ma de yenê domnayene gerek bi xeta têkoşînî ya Huseyîn û Zeynepe bêro vervejîyayene. No rayîro tewr raşt o ke şehîdanê Kerbela dano ciwîyayene.''
Komîteya Bawerî û Şaran a KCK’yî bi wesîleya vilakerdişê loqmayanê Aşûre û Rojeyê 11 Îmaman eşkerayîye daye. Eşkerayîye de kesanê ke xoverdayîşê Kerbela de dinyaya xo bedilnaye bi hurmet û mînetî ameyî yadkerdene û ame temenîkerdene ke kesanê ke roje tepişt wa îbadetê înan bêro qebulkerdene.
Eşkerayîye de Kerbela sey sembolê têkoşînê mabênê heq û zulmî yo û ame hesibnayene û ame vatene ke xoverdayîşê Îmam Huseyîn û Zeynepe mîraso hempar ê heme şaran o ke seba edalet, seypêyî û wayûbirayîye têkoşîn kenê.
KCK’yî Kerbale sey sembolê têkoşînê edalet, seypêyî û wayûbirayîye name kerd û vat: “Vera zulman ke roja ma de yenê domnayene gerek bi xeta têkoşînî ya Huseyîn û Zeynepe bêro veravejîyayene. No rayîro tewr raşt o ke şehîdanê Kerbela dano ciwîyayene.”
Eşkerayîye de ame vîrvistene ke herême de vera şaran, cinîyan, bawerîyan, kedkaran û xoza zextî dewam kenê, ame vatene: “Kerbelayê roja ma yê’’ û ame vengdayene ke wa têkoşînê vera zextan bêro xurtkerdene.
Eşkerayîye ame vatene ke komelê elewîyan de tarîxî ra nata wayîrê kesanê ke têkoşînê heqîqet û edaletî danê, vejîyeno û waştene ke elewîyî bawerîya xo wa xurtêr bidê ciwîyayene û bi hewayêkê rêxistinkerdeyî tewrê “Vengdayîşê Aştîye û Komelê Demokratîkî’’ bibê.
KCK’yî veng da komelê elewîyan ke wa xurtêr paştî bido têkoşînê demokrasîyî û waştişê yewîye, paştdayîş, aştîye û wayûbirayîye.
