‘Kirasê ji Agir’ li Wanê eleqeyeke zêde dît

Komîsyona Zimanê Kurdî ya Baroya Wanê, di çarçoveya 21ê Sibatê Roja Zimanê Dayikê ya Cîhanê, li Eywana Sînemayê ya Yilmaz Guney a baroyê belgefîlma “Kirasê ji Agir” da pêşandan. Belgefîlma ku derhêner Keremo kişandiye û qala jiyana Xalid Begê Cibirî û tevgera “Hereketa Azadî” dike, ji hêla welatiyan ve rastî eleqeyeke mezin hat. Welatiyan eywana sînemayê tije kir. Malbata Xalid Begê Cibirî, endam û rêveberên partiyên siyasî, nûnerên saziyên sivîl û gelek welatî tev li nîşandana belgefîlmê bûn.

Piştî nîşandanê li gel derhêner gotûbêj hat kirin û temaşevanan pirs ji Keremo pirsîn. Keremo jî pirsên welatiyan bersivand.