Kurd azad bo, dinya zî azad bena
Mezopotamya de polîtîkaya ke Kurd tede ca nêgêno, emrê ci kilm û leymin o. Semedo ke Kurdî leyminîye qebûl nêkenê, her tim çoweyê zaliman vileyê ma ser ra kêm nêbîyo. Çi marîfet o ke Kurdî hendayê raştê qirkerdişan (qetliyaman) ameyê zî kok ra vîndî nêbîyê! La asîmîlasyon û otoasîmîlasyono sosyolojîk û ercanê bînan dir rîbirî mendê û na game zî xoverdayîşê ci danê
Tarîx de Kurd her tim aştîwaz têgêrayo. Na game zî wina ya. Semedo ke xaçijî tola xo wedarê, Lozan de Kurdistan kerd perçe perçe. O wext ra nata bi hawayêko sosyolojîk û psîkolojîk şer dewam keno.
Prosesê aştîye û aramîye yê TCyî de, serreyêko vêşî yo ke dewam keno, verê xetimîyayîşî de yo. PKK vana "min wezîfeyê xo ard ca" û veng dana TCyî û ana ziwan ke wa gamê şênberî bişîyê. La çi heyf ke TCyî goşê xo şist kerdî. Wina aseno ke TC, herinda ke awe bişano adirî ro, pifê adirî keno. Zey Îbrahîm Pêxemberî ke adir mîyan de yo û gomgomoke zî pifê adirî kena. No zî bi destê Erdoganî ke xizmetê xaçijan de yo, beno.
Jest û mîmîkê TCyî, semedo ke aştîye bêro, tarîx ra heta nika nêbedilîyayê. Vera rîyê Kurdan de weş keno la herinda îcraatî de dima xapînayîşî geyrayo û wina aseno ke tarîx reyna xo dubare keno. La Kurd mecbûrîyet ra vano, belkî awa ke nê adirî bitefno, bivejîya meydan. La xaçijî bi zanebîyayîş dormeyê Kurdan û zereyê Kurdan bi adirî terbîye kenê. Wazenê ke Kurd, mezgê xo ra aştîya xo û ya dinyayî bivejo. Teyna TCyî de nê; Iraq, Sûrîye, Îran, Rûsya, Pakîstan, Hîndîstan, Azerbaycan û heme cayanê ke Kurdî tede zêde ciwîyenê de polîtîkaya vengê înan adir a.
Mesela ma zey amênê mastî veradayîşê golî yê Xoce Nasredînî ya. Û ma Kurdî vanê qey gol amên tepêşo?! Raşt o, ya tepêşo! O wext aştîya dinyayî pêk yena. Ma Kurdî aştîwaz ê. Ma teyna dima aştîya xo de nê, dima aştîya merdiman, xozaya dinya û fezayî de yê.
To vat nê! O wext biewnî tarîxî ra. Kurdan çi wext şer waşto? Her tim semedo ke hêrişê înan kerdî, Kurdan hêrişê şerwaştoxan kerdo. Zey nimûne Dewleta Selaheddînê Eyûbîyî senî hîra bîye? Xaçijan hêriş kerd, Selaheddînê Eyûbî mecbûr mend hêrişê xaçijan kerd û dewleta xo hîra kerde. Eya, xaçijî înan rojan qet vîr a nêkenê û înan vîr a nêkerd zî. Ewro dima tola xo yê. Lazim o ke her Kurd nêyî bizano.
Xaçijan wina kerdo ke semedo ke Kurd paşta xo rast nêkero, polîtîkayanê gemarinan hol kar anê. Zanê ke eke Kurd azad bo, dinya û heme zîndeyî do raştîya xo (demokrasîye) ya raştîkêne bidê ciwîyayîşî.
Mezopotamya de polîtîkaya ke Kurd tede ca nêgêno, emrê ci kilm û leymin o. Semedo ke Kurdî leyminîye qebûl nêkenê, her tim çoweyê zaliman vileyê ma ser ra kêm nêbîyo. Çi marîfet o ke Kurdî hendayê raştê qirkerdişan (qetliyaman) ameyê zî kok ra vîndî nêbîyê! La asîmîlasyon û otoasîmîlasyono sosyolojîk û ercanê bînan dir rîbirî mendê û na game zî xoverdayîşê ci danê.
Ewro TCyî de bi her hawayî emelê sîyonîzmo zilmkar, bi destê rayberdoxanê ci dewam kenê. Sere de ziwan û ercanê Kurdan ser o polîtîkaya adirvarnayîşî dewam a. Çimkî zanê ke helênayîşê neteweyî de eke ziwan vîndî bo, netewe zî vîndî bena. Zanê ke çeka tewr girane ziwan o. Ziwan biqedîyo netewperwerî zî qedîyena. Aye ra ziwan nasnameyê neteweyî yo. Xaçijî heta ke ziwanê Kurdan nêqedînê nêresenê emelê xo. Coka ziwanê neteweyî zaf muhîm o.
Ez tîya ra veng dana heme Kurdan û vana ke tewr tay 3-4 gedeyan bîyarê dinya. Seserra ke verê ma de ya, nifusê Ewropa, Tirkîya, Mezopotamya çar û dor û cayanê ke Kurdî tede ciwîyenê, bê şer do heme dinya biba ya Kurdan. O wext polîtîkaya aştîye û aramîye zafêrîya dinyayî rê bena nimûne. Dima ra hemeyê dinyayî do bi aştîwazîya Kurdan ciwîyayîşêko bi rûmet biciwîyê.
Vîr a mekerê ke ewro ziwanê Kurdî rêza 8ine de yo. Seserra bîne de do 2yin yan zî 3yin bo. Îngilîzkî bi polîtîkaya xo ya gonîmitişî ewro zêde asena. La ameyeyî de heme dinya do mecbûr bimana ke ziwanê Kirdkî, semedo ke aştîwazîye bimuse û bida musnayîş. Hey Kurdno! Polîtîkaya ma ziwan û aştîwazî ya. Averşîyayîş peynameyê ma yo. Serkewtiş sondê ma yo.
