Li Kobanê agirê Newrozê geş kirin

Rêveberiya Xweser a bajarê Kobanê û Komîteya amadekar a çalakiyan a Newrozê bi boneya 21ê Adarê Cejna Newrozê daxuyanî dan û agirê Newrozê  geş kirin. Bi dehan endamên saziyên Rêveberiya Xweser, partiyên siyasî, saziyên sivîl, rêxistinên jinan beşdarî pîrozbahiyê bûn. 

Daxuyanî li pêş avahiya Rêveberiya Xweser dan. Cîgira Hevserokatiya Encûmena Cibicîkar a bajarê Kobanê Mizgîn Xelîl daxuyanî bi kurdî xwend. Hevserokê Meclisa Rêveberiya Xweser a bajarê Kobanê Ferhan Hec Îsa jî daxuyanî bi erebî xwend. 

Mizgîn Xelîl anî ziman ku pîrozbahiya navendî ya Newrozê dê di 21ê Adarê de li ser Girê Miştenûr were lidarxistin, û çalakiyên wê dê di saet 10:30ê sibehê de dest pê bikin.

Piştî daxuyaniyê agirê Newrozê pêxistin û li ber stranên şoreşgerî govend gerandin.