Li Sêrtê dayîka aştiyê jiyana xwe ji dest da

Dayika Aştiyê Berfîn Saîn a 70ê salî ku du meh bû li Nexweşaneya Perwerde û Lêkolînê ya Sêrtê tedawî dibû, ji ber nexweşiya pençeşêrê jiyana xwe ji dest da. Cenazeya Berfîn Saîn ji aliyê Komeleya Çand, Yekitî, Piştevanî û Alîkariya Malbatên Kesên Xizmên Xwe di Dergûşa Şaristaniyan de Winda Kirine (MEBYA-DER), Komeleya Alîkariya Malbatên Girtiyan (TUAY-DER) û gelek nûnerên partiyên siyasî û saziyên civaka sivîl hat girtin.

Cenaze li goristana Zeviyê ya taxa Çal a Sêrtê hat definkirin. Şîn li Mala Şînê ya Halîn Bîn Welîd a taxa Koperatîfê hat danîn û wê sê rojan bidome.