Mikaîl Aslanî ra albumo newe “Masumo Pak”

Albumê Mikaîl Aslanî yê studyoyî yo 11in “Masumo Pak”î ra parçayo verên “Kamî rê”, platformanê dîjîtalan de goşdaran reyde ame têhet. Qeseyê parçayî bi îmzaya Usênê Qeremanî (Mehmet Çetin) yê. Muzîkê ci zî aîdê Mikaîl Aslan û Olcay Bozkurtî yo. Metno ke şaîrî dewrê weşîya xo yo peyên de qeleme girewto, rasterast xo dano xatirwaştiş û hîsê abirîyayîşî ser.

Eser de sîmgeyê tebîetî yê sey va, hewr, kemer, dara wuşke û qengerî vejîyenê vernî. Hîkayeya ke nê sîmgeyan ser o awan bîya, hîsê tenyayîye û bêwelatîye bar kena;

Antişê klîbî Dêrsim de, herêma Lertîgî, dewa Sey Rizayî Axdat û dormeyê ci de virazîyayî. Na cografyaya ke Sey Rizayî reyde yena vîr, bi klîbî ya vînayîşî de bena peyplano dîyarkerdox.

Klîbo ke derhênerîya ci Veysel Kilinçî kerda, şertanê zimistanî de ameyo antene. No tercîh, sey unsuran ra yewê ke atmosferê eserî keno xurt vejîyeno vernî.

Detayê ke pêroyê albumî ser o yê, hema sînordar ê. La parçayo verên o ke weşanîyayo, dîyar keno ke “Masumo Pak” do bi hawayêdo pêroyî xetêda deha sade û zafîya hîsan ra berz de dewam bikero.