‘Paradîgmaya Komelê Demokratîkî hewcedarîya komelkî ya’
Sedat Şenogluyî derheqê ‘’Manîfestoyê Komelê Demokratîkî’’ yê Rayber Apoyî de vat, ‘’Paradîgmaya komelê demokratîkî têna pêşnîyazêko teorik nîyo, eynî wextî de hewcedarîya komelkî ya.’’
Rayber Apoyî bi ‘’Manîfestoyê Haştîye û Komelê Demokraîtkî’’ famê sosyalîzmêkê neweyî rayapêroyîye dir pare kerd. Badê nê munaqeşeyî dewam kenê. Rayber Apo derheqê famê sosyalîzmî de ke sey ‘’Sosyalîzmê Komelê Demokraîtkî’’ pênas keno, vano sosyalîzm têkoşînê afirnayîşê komelêk û ferdêkê neweyî yo.
Kongreya Demokratîke ya Şaran Sedat Şenogluyî derheqê famê sosyalizîmê Apoyî de ANFyî rê qisey kerd.
Senogluyî ard ziwan ke hetê Têgêrayîşê Azadîye yê Kurdan ra sosyalîzm zemînêkê estbîyayîşî yo û vat: ‘’Nizdîbîyayîşo ke Ocalanî aver berdo sosyalîzmê realî û modelanê dewlete merkezê xo de vînenî, înan ra cîya yo. No fam komelî dewlete serî ra ney; hedef keno ke komelî serê rêxistînîya ci ya bi xo û îradeyê ci yê demokratîkî serî ra newe ra rono.
Azadîya cinîyan, ekoloji, demokrasîyo cîyayî û cuya seypê ya şaran sernameyê bingeyî yê na paradigma yê. Paradîgmaya komelê demokratîkî têna pêşnîyazêko teorik nîyo,Tirkîya de vera xeylê krîzan eynî wextî de hewcedarîya komelkî ya. Modelê HDKyî zî hedef keno ke têkoşînanê komelkî yê cîya cîyayan zemînê hemparî yê demokraîtkî de bîyaro têhet. Tirkîya de demokratîkbîyayîşo raşt bi çareserkerdişê demokratîkî yê meseleya kurdan beno.’’
