Qubad Talebanî: Êrişa li ser kurdan li ser tevahiya cîhanê ye
Qubad Talebanî da zanîn ku her êrişek li ser rûmeta kurdan li ser tevahiya cîhanê ye û got: “Hevgirtinê ya hemû kurdan serbilind in û ev jî yekane garantiya hebûna me ye.”
Cîgirê Serokwezîrê Hikûmeta Herêma Federal a Kurdistanê Qubad Talebanî di peyamekê ku li ser platforma xwe ya Facebookê têkildarî êrişên çeteyan yên li ser rojavayê Kurdistanê, bêhelwestiya navneteweyî ya li beramberî komkujiyên li ser gelê Rojava tê kirin wiha got; “Em kurd ji cîhan û rayedaran naxwazin ku me biparêzin, di şûna wê de, em tînin bîra wan ku ev ne cara yekeme ku ew li dijî Kurdan piştgirî didin dijberên kurd, her carê piştî salan ew fêr bûne ku ew êş kişandine, tenê ji bîr neke ku wan carekê piştgirî da rejîma Baasê li dijî kurdan. Lê kurd man û Baas bi cîhanek tijî trajedî û tawan tune bû.’’
Talebanî aşkere kir ku ew bi wijdanî ji her kesî re tînin bîra xwe ku ev ne tenê êrişek li ser Rêveberiya Xweser û rojavayê Kurdistanê ye, ew êrişek li ser rûmeta kurdan li tevahiya cîhanê ye, ku li dijî terorîzmê şer kirine û bê cudahî gelê Sûriyeyê parastine.
Di dawiyê de, Cîgirê Serokwezîr Qubad Talebanî got: “Em bi hesta hevgirtinê ya hemû kurdan serbilind in û ev jî yekane garantiya hebûna me ye ku em bi erkê xwe dizanin ku em her hewlekê bidin da ku alîkariya xort û keçên xwe yên wêrek yên li Rojava bikin, vê rewşa dijwar û tevlihev rawestînin, rewşê asayî bikin û mafên wan di çarçoveya destûra herdemî de misoger bikin.’’
