Rêya M4 a di navbera Cizîr û Helebê vebû
Rêya M4 a di navbera Cizîr û Helebê ya li rojavayê Til Temirê ye, ji nûve vebû.
Di çarçoveya bicihanîna peymana 29ê Çileyê ya navbera HSDê û hikumeta demkî ya Sûriyeyê de, rêya M4 ya di navbera Cizîr û Helebê ya li Rojavayê Til Temirê ye ji nûve vebû. Piştî vekirina rê tedbîrên ewlehiyê yên nû hatin girtin.
Ev tedbîr, piştî demekê ji girtina rê û rewşên ewlehî û êrişên leşkerî li herêmên cuda yên Bakur û Rojhilatê Sûriyeyê hatin girtin. Nûçegihanê ANHAyê ji Til Temirê ragihand ku tedbîran vekirina rê bi amadebûna rêberên Hêzên Ewlekariya Hundirîn ên ji herêmên Cezîre û Helebê, bi taybetî Cîgirê Fermandarê Ewlekariya Hundirîn li Hesekê, Mehmûd Xelîl, dihewîne.
Nûçegihanê ANHAyê ji Til Temirê daxuyand ku di tedbîrên hatine girtin de rêya M4 ji nû ve hat vekirin. Di vekirinê de fermandarên Hêzên Ewlekariya Hundirîn ên ji herêmên Cizîr û Helebê, nemaze amadebûna Cîgirê Fermandariya Ewlekariya Hundirîn a Hesekê Mehmûd Xelîl amade bû.
Hemwextî wê ji nû ve hejmarek bendên ewlehiyê li gel gundê Tewîla yê li gundewarê rojavayê Til Temirê hatin danîn.
Rêya M4 ji rêyên stratejîk ên herî girîng li bakurê Sûriyeyê ye, hejmarek bajarên sereke bi hev ve girê dide, ji wan jî bajarên Hesekê, Reqa, Kobanê, Minbic heta bi Helebê. Ev rê ji bo veguhastina sivîlan û kel-pelan di navbera herêmên Bakur û Rojhilatê Sûriyeyê û herêmên din ên welat de tê bikaranîn.
