Şaristan û cayê ke do Komployê 15ê Sibate tede bêro protestokerdene, bîyî eşkera

Komployo Mîyanneteweyî yê 15ê Sibata 1999î yo ke vera Rayberê Şarê Kurdî Abdullah Ocalanî ame viraştene, serra xo ya 27. de yo. Vera komployî serekîya Platformê Dezgehanê Demokratîkan û partîyanê sîyasîyan de Kurdîstan û Tirkîya de 15ê Sibate de rayşîyayîşî do bêrê organîzekerdene û komplo do bêro şermezarkerdene. Rayşîyayîşî pêro şaristanan de saete 18.00 de bi flaşanê telefonan û feneran do bêrê viraştene. Şîarê rayşîyayîşan zî do “Bi roşnîya heqîqetî ver bi azadîye” bibo.

Şaristananê ke tede rayşîyayîş û eşkerayîyî do bêrê viraştene ra tayê nê yê:

EDENE: Taxa Dagliogluyî Yeniyolî ra heta Xaçerêyê Karasuyî rayşîyayîş.

HATAY: Îskenderun AKAD de tewrbîyayîşê Avûkata Buroyê Huqûqî yê Asrî Suzan Akipa reyde kombîyayîş.

MÊRSÎN: Parka Aştîye ya qezaya Akdenîzî de ameyîşê têhetî ra dima do rayşîyayîş bêro organîzekerdene.

ANTALYA: Verê bînaya qezaya Kepezî ya DEM Partîye de do eşkerayîye bêro dayene.

ŞIRNEX: Parka Botaşî ya qezaya Cizîre de ameyîşê têhetî ra dima do rayşîyayîş bêro viraştene.

SÊRT: Taxa Congbayirî de ameyîşê têhetî û rayşîyayîş.

ÊLIH: Kuçeyê Hunerî ra heta Parka Yilmaz Guneyî rayşîyayîş.

DÊRSIM: Kuçeyê Hunerî de do eşkerayîye bêro dayene.

AMED: Amed de rêxistinê ciwanan do panel organîze bikerê. (10.00)

Amed de verê Vîrdarîya Heqanê Merdiman a Koşuyoluyî ra heta Meydanê Îstasyonî do rayşîyayîş bêro organîzekerdene. (18.00)

ÇEWLÎG: Meydanê Şaristanî de do eşkerayîye bêro dayene.

STENBOL: Meydanê Aksarayî de ameyîşê têhetî ra dima do rayşîyayîş bêro viraştene.

MÊRDÎN: Verê pêro bînayanê qezayan de do rayşîyayîşo fenerin bêro viraştene.

ÎZMÎR: Verê Qehweyanê Çimentepeyê Konakî, Cayê Bazarî yê Nafiz Gurmanî yê Bayrakli, Taxa Ataturkî ya Torbali û Parka Demokrasîye ya Asarlikê Menemenî de do eşkerayîye bêro dayene.

AYDIN: Meydanê Şaristanî de do eşkerayîya çapemenîye bêro dayene.

ENQERE: Cadeyê Sakarya de do eşkerayîye bêro dayene.

ESKÎŞEHÎR: Verê bînaya wîlayetî ya DEM Partîye de do eşkerayîye bêro dayene.

RIHA: Serekîya Platformê Dezgehanê Demokratîkan de Parka Alîşellî ra heta Meydanê Topçuyî do rayşîyayîşo meşaleyin bêro viraştene.

DÎLOK: Bînaya Wîlayetî ya DEM Partîye ya Dîlokî de bi tewrbîyayîşê hîreyî yê şarî do kombîyayîş bêro organîzekerdene.

SEMSÛR: Serektîya DEM Partîye de Parka Koşuyî de do rayşîyayîş bêro organîzekerdene.

WAN: Gunpaş AVM ra heta Parka Musa Anterî rayşîyayîşo meşaleyin.

COLEMÊRG: Gever, Şemzînan û merkezê Colemêrgî de rayşîyayîşo meşaleyin.

ÎDIR: Verê bînaya wîlayetî ya DEM Partîye ra heta merkezî rayşîyayîş.

MÛŞ: Fîdanlikalti ra heta Ocaqê Weşîye rayşîyayîş.

AGIRÎ: Kitabxaneyo verên ra heta Cadeyê Cumhuriyetî rayşîyayîş.

ERZIROM: Bînaya wîlayetî ya DEM Partîye ya Erziromî de mojnayîşê sînevîzyonî ra dima Meydanê Mehelabaşi de eşkerayîye. (13.00)

BEDLÎS: Merkezê Çarşîya Bedlîsî ra rayşîyayîşo fenerin.

QERS: Verê bînaya wîlayetî ya DEM Partîye de eşkerayîya çapemenîye (13.00)