Şerê li Rojhilat di roja xwe ya 22yan de berdewam dike
Şerê li Rojhilata Navîn di roja xwe ya 22yan de berdewam dike. Îsraîlê bajarên Beyrûd û Tehran bombebaran kirin, Tehranê giraveke bi mesafeya 4 hezar kîlometreyan hedef girt û têkildarî giravên aîdî Îranê hişyarî da Mîrnîşînên Yekbûyî yên erebî.
Şerê li Rojhilata Navîn: Di 24 saetên dawîn de çi qewimî?
Şerê ku DYA û Îsraîlê di 28ê sibatê de da destpêkirin, li gel êriên beramber berdewam dike.
Washingtonê bi demkî destûr da firotina petrola Îranê ya li ser behrê hatiye depokirin û Îsraîlê jî li Tehranê xist. Îranê jî li ser Hurmuz û Kendavê gefên nû xwarin. Li herêmê rageşiya leşkerî û siyasî bilez zêde dibe.
Ji DYAyê hewla parsengkirina piyaseyên enerjiyê
DYAyê bi armanva parsengkirina pitaseyên enerjiyê pêngaveke balkêş avêt. Washingtonê destûr da da ku petrola Îranê ya depokirî heya 19ê nîsanê were firotin.
Êrişên beramber
Artêşa Îsraîlê êrîşên Îranê yên li ser xakên wê weke hincet nîşan da û da zanîn ku wê li dijî ‘’hedefên rejîmê’’ yên li Tehranê êrîşên hewayî pêk anîne. Îsraîlê da zanîn ku ji Îranê moşek hatine avêtin û hate ragihandin ku li Qudsê dengê teqînan bilind bûne.
Her wiha daxuyaniyên ji aliyê Îranê ve hatin dayîn, bûn sedem ku rageşî zêdetir bibe. Rêveberiya Tehranê têkildarî êrîşên muhtemel ên li ser giravên Ebu Musa û Tuba Mezin û Biçûk ên li Kendava Basrayê ku di bin kontrola Îranê de ne lê belê Mîrnîşînên Yekbûyî yên Erebî dibêjin ku yên me ne, bi tundî Mîrnîşînên Yekbûyî yên erebî hişyar kir. Artêşa Îranê da zanîn ku di rewşeke bi vî rengî de wê Ras el-Hayme bibe armanca êrîşên dijwar.
Londonê bikaranîna ‘baregehên leşkerî’ erê kir
Her wiha Keyatiya Yekbûyî di çarçoveya ‘’operasyonên parastinê’’ yên DYAyê yên li dijî Îranê de destûr da ku baregehên Îngilistanê werin bikaranîn.
Liv û tevgera leşkerî ya li herêmê bê navber berdewam dike. Li gorî nûçeya Wall Street Journalê, Îranê du moşek avêtine baregeha hevpar a bi navê Diego Garcia ya DYA û Îngilistanê ku hedefa berbehs 4.000 kîlometreyan dûrî xakên Îranê ye. Li gorî rayedaran moşeşek di rê de xirab bûye û ya din jî ji aliyê keştiya şer a DYAyê ve hatiye astengkirin.
Trump: Dikare operasyonên leşkerî hêdî hêdî werin kêmkirin
Serokê DYAyê Donald Trump jî cara ewil anî ziman ku dibe ku operasyonên leşkerî yên li dijî Îranê hêdî hêdî werin kêmkirin. Lê belê ji ber ku beriya niha Trump agirbest red kiribû, nediyariya stratejiya Washingtonê berdewam dike. Her wiha tê îdîakirin ku DYA amadekariyan dike ku ji herêmê re hin leşkerên din bişîne û ji bo zêdekirina zexta li ser Îranê Girava Hargê hedef bigire.
Di gel ku rageşita li Kendavê zêde dibe, artêşa Kuweytê da zanîn ku ew bi tevahiya şevê bi êrîşên moşek û balafirên bêmirov re rû bi rû maye. Erebistana Siûdî jî diyar kir ku wê li rojhilatê welêt zêdetirî 20 IHA xistine.
Eniya Lubnanê: Îsraîlê zêdetirî hezar hedefan xist
Artêşa Îsraîlê li Lubnanê êrîşên xwe yên li ser Hizbullahê zê de kirine. Îsraîlê 20ê adarê roja Înê li Lubnana başûr 36 gund hedef girtin; Hizbullahê jî da zanîn di nava heman rojê de 55 êriş hatine kirin.
Artêşa Îsraîlê bi daxuyaniyekê da zanîn ku wan heya niha zêdetirî 2 hezar cih hatine hedefgirtin; bi hezaran depoyên çekan û rampayên moşekan hatine îmhakirin û bi hezaram milîtan hatine kuştin.
Hêjayî bibîrxistinê ye ku li gorî Wezareta Tenduristiyê ya Lubnanê di encama êrişên heya niha de 1.021 kesan jiyana xwe ji dest dane û 2.641 kes jî birîndar bûne.
