TJAyê ji bo Yenar Muhamed daxuyanî da
TJAyê bertek nîşanî kuştina seroka Rêxistina Rizgariya Jinên Iraqê (OWFI) Yenar Muhammed di 2ê adarê de ya li Bexdayê da û diyar kir ku ev êrîş taktîkek çavtirsandinê ya plankirî bû li dijî têkoşîna rêxistinkirî ya ji bo azadiya jinan di hefteya 8ê Adarê de ye.
Tevgera Jinên Azad (TJA) derbarê kuştina endama damezrîner û seroka Rêxistina Rizgariya Jinên Iraqê (OWFI) Yenar Muhammed, di 2ê adarê de li Bexdayê daxuyaniyek nivîskî weşand.
Daxuyaniyê bal kişand ser dema kuştinê û tekez kir ku ev êrîşa ku di hefteya 8ê Adarê Roja Jinan a Cîhanê de hatiye kirin, ne tesaduf bû. TJA diyar kir ku ev êrîşa ku di demekê de hatiye kirin ku jin berxwedan û daxwazên xwe yên dîrokî yên ji bo azadiyê nîşan didin, taktîkek çavtirsandinê ya bi zanebûn li dijî hebûna kolektîf û siyasî ya jinan e.
Di daxuyaniyê de, ku tê de hat xwestin bila sûcdar û kesên li pişt êrîşê werin darizandin dinde wiha hat gotin, "Têkoşîna Yenar Muhammed dê bêencam nemîne. Her êrîşek li dijî jinan dê bi îradeyek hîn xurttir a rêxistinbûnê re rû bi rû bimîne."
Daxuyanî bi sersaxiyê ji malbat, hezkiriyên Yenar Muhammed û parêzvanên azadiya jinan, bi taybetî ji OWFI, bi dawî bû.
