Vera zîhnîyetê Habîtusî de çareserî Komelê Demokratîkî yo

Sîyaset bîyayîşî bi temamî tu wext rasterast nêvîneno. O exlaqêko saf an zî qismêkê tarîxê gerdûnî yo ke verî cû nusîyayo, nîyo. O zêdêr, ravêrdeyê xoawankerdişî de yew çalakîyêk o. Eke merdim no nêvîno, cuye û hêzê cuye yê heqîqetawankerdişî fam nêkeno. Manîfestoyê Komelê Demokratîkî zî bi nê mana û hewldayîşî sey ked û cigêrayîşêk vejîyeno meydan.

Rojhelatê Mîyanênî de dîzaynêko newe yê 100 serran yeno kerdene. Ma eşkenê bi rehetî vajê ke keso ke naye tewr verî ferq kerd, Rayberê Şarê Kurdî Abdullah Ocalan o. Coka wina firsendê tewr verênî de startê ravêrdeyê komelê demokratîkî û aştîye da. La çi heyf, rayîrê tewirê AKP û MHP yê ke demî ser o vila kenê û ziwanê xo vurrnayê ra, hema mîyan de çîyêko şênber çîn o. Nê zereyê nê nêzdîbîyayîşî ra komel û rayaumûmîye zî ancenê, zaf hetî bi eşkerayî vanê ke aqilê dewleta tirkan hema binê tesîrê Habîtusî ra nêxelisyayo û nika peyser eşto.

Rayberê Şarê Kurdî Abdullah Ocalanî hetê xo ra gamê peyênî yê ke ganî bierzîyê zaf bi wêrekî eştî û seba ke no ravêrde bimeşo heme fedakarîyî kerdî. Kişta bîne ra, awanîya ke ci rê vanê aqilê dewleta tirkan hema zî zîgzagan xêz kena û wina kerdişê ci ra rewşêka bêbawerîye vejîyena. Ziwanê Devlet Bahçelîyî wext ra dima vurîya, la uslûbê Erdogan û şirîkanê ci hema eynî yo. Vernî de qala "Tirkîyeya bêterore" kerdî, no dima bi mentiqê tasfîyekerdene xebetîya û rûmetê komelî şikna. Eke aştîyêk bibo, ganî bi rûmet bo. Rayberê Şarê Kurdî Abdullah Ocalanî vano; "Tenya êyê ke şer kenê, eşkenê aştîye bîyarê ca." Muhatabê bînî yê dîyîn ê an zî hetkar ê.^

Ravêrdeyêko ecêb Sûrîye paweno

Rayîrê nê ravêrdeyê têmîyanî ra, Rojava de zî komel bi guman xebatanê entegrasyonî weno. Neheq zî nîyê. Rewşa Reqa û Dêrazorê mîyan de ya. Ravêrdeyêko ecêb û bi muammayan pîya Sûrîye paweno.

Tîya de qala tecdîdî (newekerdişî) kenê. Seba ke newekerdişêk bibo, verî cû ganî kokêk, yanî kehenşopîyêk bibo. Dima ra a kehenşopîye bena statu û xitimîyena, verpers nêdana hewcedarîyanê hemdemî. Dima ra ganî yew vejîyo vajo "tîya de cemidîyayîş esto, ganî ma akerdîşêk bikerê". O wexto ke îdeolojîk û polîtîk xitimîyayîş ame dîyene, Birêz Ocalan bi Manîfestoyê Komelê Demokratîkî wêrekîyêko pîl ra tarîx de deklare kerd û mudaxele kerd.

Ocalanî bi yewbîyayîşê demokratîkî verpers da!

Kurdî do senî tewrê nê ravêrdeyî bibê? Vernîya her çî de ganî xo vera qirkerdişî bipawê. Eke ma ontolojîk xo nêpawê, entegrebîyayîş bêmane maneno. Eke estbîyayîşê Kurdan hetê kultur û ziwanî ra nêro pawitene, ma do vindî bibê, bihelî. Xoza ra biewnîyê, şerêk esto la vurîyayîş semîyotîk o. Adaptasyon esto la xo pawitiş zî esto. Eke ma xo nêpawê, têna adaptasyon beno asîmîlasyon. Ma do yewbîyayîşo demokratîk ra senî fam bikerê? O yo ke ma nê pergalî de hem cewherê xo bipawê hem zî bêrê têhet. Eke wina bo, komel mana dano ci, nêbo zaf xeter o. Vernîya ma de hîrê rayîrî estê:

Rayîro Yewin: Cewherîya xo pawitiş, ageyrayîşê kehenşopîya xo çikêk baş o la zafêrî ci dogmatîzm o.

Rayîro Dîyîn: Xo veradayîş û teslîmîyet o. Na ekol, polîtîkaya merkezê Teqsîmî rayra bena, netewperestîya faşîzmî ya, şewq û şanî cîya-cîya fêkî danê û şarî xapênenê.

Rayîro Hîrêyin: Rayîro ke Birêz Ocalanî binê ci xêz kerdo; Yewbîyayîşo Demokratîk o.

Ma do hem xo bipawê hem zî entegrasyon bîyarê ca. Rayîrê nê çi yo? Rayîrê nê; kuçe bi kuçe ronayîş û averberdişê komunanê demokratîkan o. Ma do qismê komelî yê bînî rê, bi herikîyayîşanê dinya rê têkilîyêka asîle ronê. Çîyê ke ma de çîn ê ma do înan ra bigêrê, yê ke înan de çîn ê ma bidê înan.

Wexto ke wina bo, cîhanê komelê demokratîkî û fikrê ci do dinya de xo bipawo û bi ziwanêko hemdem bimeşo. Vernîya ma de zîhnîyetê Muawîye û Ebu Sufyanî esto; ganî ma naye bizanê û wina bikewê rayîr. Kadroyê nê prosesê tarîxî ganî sey Hallacê Mansurî mîyan de bibê. Zîhnîyeto kehen ra bixelisîyê û înşayê zîhnîyetê neweyî bîyarê ca.