Devlet Bahçelî: Armanca sereke amadekirina qanûnan e

Serokê Giştî yê MHPê Devlet Bahçelî di komcivîna partiya xwe ya li Meclise de axivî. Devlet Bahçelî anî ziman ku hezên sermayedar bi nûjênkirina peymana Sykes-Pîcot zilmê li erdnîgariya mislimanan dikin û bertek nîşanî êrişên Amerîka û Îsraîlê yên li dijî Îranê da. Devlet Bahçelî bi lêv kir ku di nav van gengaşeyan de ew wek Tirkiyeyê xwe girtiyê mîsogeriyê û diyar kir ku çavên hêzên sermayedar li Hewlêr, Musûl, Kerkuk, Tebrîz û Urmiyeyê ye ku ew der ne tenê welatên cîranin di heman demê de ji bo wan birayên ziman û olî ne. Devlet Bahçelî destnîşan kir ku li dijî zilma Îsraîl û Amerîkayê dem pêwîst dike ku li rex Îranê bisekinin û divê şer demildest raweste.

Di berdewama axaftina xwe de Devlet Bahçelî anî ziman ku di nav van pêvajoyên şer de di hundir de xwe xurtkirina Tirkiyeyê pêwîstiyeke bingehîn e û wiha pê dê çû: “Welatê me dê nav van krîzan de ye û dê ji van krîzan bi aramî derbikeve. Her gotinek û kirineke zerarê dide aramiya hundir a Tirkiyeyê. Polîtîkaya xwe xurtkirinê û destpêka pêvajoya Tirkiyeyê rast e û ewlehiya me ya neteweyî ji xwe re dike hedef.”

Devlet Bahçelî bal kişand ser pêvajoya Aştî û Civaka Demokratîk û wiha dirêjî da axaftina xwe: “Ew pêvajo xurtkirina xweş û biratiyê ji xwe re dike armanc. Komîsyona Meclîse rapora hevpar amade kir. Ji bo çêkirina qanûnan rewşeke guncav derketiyê holê. Ji niha û şûn ve tişta ku divê bê kirin ew ê ku qanûnên xizmetî pêvajoyê bike divê demildest derbikevin. Yekitî û xweş û biratiya me dê bibe çeka me ya herî xurt. Di vê serdema krîtîk de berpirsyariya hemû partiyên siyasî û medyayê ew ê ku ji gotin û kirinên provakasyonê yên li dijî pêvajoyê dûr bisekine. Di vê pêvajoya ku di hundir de em aramiyê pêk tînin. Devşîrmeyên hundirîn li gor dewletên li dijî pêvajoyê ne tevdigerin û provakasyonan dikin. Armanca me ew e ku em neyên provakasyonan û Tirkiyeyeke demokratik ava bikin. Ew pêvajo ji bo welatê me firseteke dîrokî ye. Bêguman ev pêvajo dê pêk were. Neteweya me û dewleta me yek e. Ala me yek e. Welatê me yek e. Bila kes hesabên şaş neke û neyê tahrîkan û fîtnetiyan neke û nekeve şaşiyên parçebûnê. Çawa ku merhameta me heye kudreta me jî li têrî hemû kesan dike.”