Kedkarê Çapemenîya Azade Bayram Balcîyî dinyaya xo bedilnaye

Rojnameger û şaîr Bayram Balcî ke bi serranê dergan seba xebatanê Çapemenîya Azade kede daye, bajarê Aalstî yê Belçîka de nêweşxane de ke tede tedawî bîyêne, dinyaya xo bedilnaye.. Bayram Balcî ke demêko derg o nêweşîya kansêrî ra tedawî bîyêne, seba ke rewşa ey ya weşîye xirab bîye, di rojan ra ver ame berdene bi nêweşxane. Bayram Balcî ke cewabê tedawî nêda, bîn şewe dinyaya xo bedilnaye.

Şaîr Bayram Balcî serranê 1990an de rojnameyanê Welatê Newe û Rojeva Azade de dest bi cuya Çapemenîya Azade kerd.

Bayram Balcî ke serranê 1990an de, wexto ke kedkarê çapemenîya azade yê Tirkîya işkence ra vîyartêne û qir bîyêne, rojnamegerî û edîtorî kerdêne, surgun de zî nê xebatê xo dewam kerdî.

Bayram Balcî ke Belçîka de ciwîyayêne, xebatanê Çapemenîya Azade Medya Haber TVyî de sey edîtorê servîsê kulturî xebitîyayêne.